31.10.2026 | 15:07
Միրզոյանն ու Լիբանանի ԱԳ նախարարը քննարկել են երկկողմ համագործակցության զարգացումը
Կեցցե՛ հեծանիվը․ բայց ո՞ւր են հեծանվուղիները. ՏԵՍԱՆՅՈՒԹ
Հասարակություն
17.03.2025 | 20:52
Նիկոլ Փաշինյանն իր պաշտոնավարման առաջին իսկ օրերից քարոզում է հեծանիվ վարելը։ Դեռևս 2018-ին նա կառավարական առանձնատների տարածքից հեծանվով մեկնեց աշխատանքի՝ Կառավարություն։ Ավելի ուշ Փաշինյանը սկսեց հեծանիվ վարել կնոջ հետ: Նա հասցրել է հեծանիվ վարել Հրազդանի կիրճում, Սևանի շուրջ, Երևան-Էջմիածին-Երևան ճանապարհով:
Ավելի ընդլայնելով աշխարհագրությունը՝ վարչապետը հեծանիվով շրջել է Լոնդոնում, Փարիզում, Մոսկվայում: Վարչապետն այդ ընթացքում, թերևս, հասցրել է նկատել, որ եվրոպական մայրաքաղաքներում հեծանվուղիների զարգացած ցանց կա։
Եվ մինչ Նիկոլ Փաշինյանն իր օրինակով փորձում է խրախուսել հեծանիվ վարելը, տեսանյութեր է հրապարակում և այդ թեմայով գրառումներ անում, հեծանվորդ Սեդա Ազատյանը նկատում է՝ Երևանում հեծանվուղիներ փաստացի չկան, վարում են կա՛մ մայթերով, կա՛մ փողոցում, մեքենաների արանքով։
Դեռևս 6 տարի առաջ Երևանի Կողբացի փողոցը վերանորոգվել էր, մայթը՝ լայնացվել, այնտեղ հեծանվուղի էր կառուցվել։ Քաղաքային իշխանությունները շեշտում էին, որ այդ ժամանակ այն միակն էր Երևանում։ Երևանցիներին, սակայն, այն երկար չծառայեց։ Այդ ժամանակ մասնավոր-պետություն համագործակցությամբ էր փորձ արվել Երևանի փոքր կենտրոնում հեծանվուղի ունենալ։
Մանրամասները՝ տեսանյութում:
Աննա Բաբաջանյան
