15.12.2025 | 23:44
Ադրբեջանը պետք է դադարեցնի անձանց հսկողության MIRAS համակարգի ներդրումը. HRW
ԱՄՆ-ԵՄ առևտրային պատերազմը սպառնում է բիզնեսներին 9,5 տրիլիոն դոլարի վնաս հասցնել
Քաղաքականություն
17.03.2025 | 16:19
ԵՄ-ին առընթեր Ամերիկյան առևտրի պալատը երկուշաբթի զգուշացրել է, որ ԱՄՆ-ի ու Եվրոպայի միջև մաքսատուրքերի հակամարտությունը սպառնում է տարեկան 9,5 տրիլիոն դոլար վնաս հասցնել անդրատլանտյան բիզնեսին:
Պալատը, որի 160 անդամների թվում են Apple-ը, ExxonMobil-ը և Visa-ն, անդրատլանտյան տնտեսության վերաբերյալ իր տարեկան զեկույցում նշում է, որ հարաբերությունները խորանում են, և ապրանքների ու ծառայությունների առևտուրը ռեկորդային ցուցանիշ է գրանցել 2024 թվականին՝ հասնելով 2 տրիլիոն դոլարի:
Անցած շաբաթվա ընթացքում Վաշինգտոնը մաքսատուրքեր է սահմանել պողպատի և ալյումինի համար, ԵՄ-ն էլ պատասխան ծրագրեր է մշակել, իսկ նախագահ Դոնալդ Թրամփը պառնացել է ԵՄ գինու և ոգելից խմիչքների համար 200% մաքսատուրքեր սահմանել:
«Հակառակ տարածված կարծիքին՝ ԱՄՆ-ի և Եվրոպայի ներդրումների մեծ մասն ուղղվում է միմյանց, այլ ոչ թե ցածր գնով զարգացող շուկաներ»,- նշվում է զեկույցում։
Պալատը զգուշացնում է, որ առևտրային հակամարտության շղթայական ռեակցիան կարող է վնասել երկու կողմերի սերտ կապերին:
Թարգմանությունը՝ Էմմա Չոբանյանի
