06.11.2026 | 23:24
Նոյեմբերի 7-ին ՊԵԿ էլեկտրոնային համակարգերը երկու ժամով անհասանելի կլինեն
Իրանի նախագահը գոհունակություն է հայտնել ՀՀ-ի և Ադրբեջանի միջև խաղաղության պայմանագրի տեքստի շուրջ համաձայնության գալու առթիվ
Քաղաքականություն
16.03.2025 | 16:30
Իրանի Իսլամական Հանրապետության նախագահ Մասուդ Փեզեշքիանը և ՀՀ վարչապետ Նիկոլ Փաշինյանը կիրակի առավոտյան հեռախոսազրույց են ունեցել՝ քննարկելով երկկողմ հարաբերությունները, ինչպես նաև տարածաշրջանային վերջին զարգացումները, այդ թվում՝ Հայաստանի և Ադրբեջանի միջև խաղաղության պայմանագրի տեքստի շուրջ համաձայնությունը․ հայտնում են Իրանի նախագահականից։
Իրանի նախագահն իր գոհունակությունն է հայտնել Հայաստանի և Ադրբեջանի միջև խաղաղության պայմանագրի տեքստի շուրջ համաձայնության գալու կապակցությամբ և շնորհավորել երկու հարևան երկրներին ու ժողովուրդներին այդ կարևոր իրադարձության առթիվ։
Վարչապետ Փաշինյանը, իր հերթին, ներկայացրել է խաղաղության պայմանագրի բանակցային գործընթացը և գնահատել Իրանի դերակատարումն ու աջակցությունը։
Նա նաև շնորհակալություն է հայտնել նախագահ Փեզեշքիանի՝ երկկողմ համագործակցության նոր փուլ սկսելու պատրաստակամության համար՝ ընդգծելով Հայաստանի շահագրգռվածությունն ու վճռականությունը՝ կյանքի կոչելու ձեռք բերված պայմանավորվածությունները։
Ավելի վաղ հաղորդվել էր, որ տեղի է ունեցել Փաշինյանի հեռախոսազրույցն Իրանի նախագահ Փեզեշքիանի հետ։
