17.07.2026 | 17:09
Լավրովն առաջիկայում «3+3» ձևաչափով հանդիպման հույս է հայտնել՝ Երևանում կամ Բաքվում
Telegram-ի հիմնադիր Պավել Դուրովին թույլատրել են լքել Ֆրանսիան
Քաղաքականություն
16.03.2025 | 13:20
Telegram-ի հիմնադիր Պավել Դուրովին թույլատրվել է ժամանակավորապես լքել Ֆրանսիան. այս ասին հաղորդում է AFP-ին՝ հղում անելով իր աղբյուրներին։
«Նա Ֆրանսիայից մեկնել է այսօր առավոտյան»,- AFP-ին ասել է գործին ծանոթ աղբյուրը՝ հավելելով, որ Դուրովը հեռացել է իշխանությունների թույլտվությամբ։
Գործը քննող դատավորը մի քանի օր առաջ ընդունել է Դուրովի հսկողության պայմանները փոփոխելու պահանջը և նրան լիազորել է «մի քանի շաբաթով» լքել Ֆրանսիան։
Թերթը նաև հայտնում է, որ Դուրովը մեկնել է Դուբայ:
Telegram-ի խոսնակը հրաժարվել է մեկնաբանություններից՝ ասելով, որ ընկերությունն ավելի ուշ հայտարարություն կտարածի:
Հիշեցնենք՝ Դուրովը ձերբակալվել էր 2024 թվականի օգոստոսի 24-ի երեկոյան՝ Փարիզի «Լե Բուրժե» օդանավակայանում (ուր նա ժամանել էր Ադրբեջանից)՝ մասնավոր ինքնաթիռից դուրս գալուց հետո: Ձերբակալման առիթ է հանդիսացել «հավելվածում հանցագործությունների պլանավորման դեմ պայքարելու համար ֆրանսիական ուժային կառույցների հետ համագործակցելուց նրա հրաժարվելը»։
