16.03.2025 | 17:49
Սպիտակ տունը «Ամերիկայի ձայնին» մեղադրում է «արմատական քարոզչության» մեջ
«Ամերիկայի ձայնի» աշխատակիցները հեռացվել են աշխատանքից
Քաղաքականություն
15.03.2025 | 23:10
Ռադիոկայանի հաստիքային աշխատակիցները ուղարկվել են վճարվող արձակուրդ, հայտնում է The New York Times-ի լրագրող Դևիդ Էնրիխը, ով X-ում հրապարակել է համապատասխան նամակի պատճենը։
«Այժմ հասկանալի է, որ «Ամերիկայի ձայնը» փաստացի դադարեցնում է իր գործունեությունը», – գրել է նա՝ ընդգծելով, որ որոշ աշխատակիցներ անսպասելի արձակուրդի մասին իմացել են ուղիղ եթերից առաջ։ Նրա խոսքով, Մերձավոր Արևելքի և Ասիայի որոշ հաճախականություններով այժմ պարզապես երաժշտություն է հնչում։
Ավելի վաղ ԱՄՆ նախագահ Դոնալդ Թրամփը կարգադրել էր «նվազագույնի հասցնել» յոթ դաշնային գերատեսչությունների հաստիքները։ Դրանց թվում է ԱՄՆ Գլոբալ մեդիայի գործակալությունը (USAGM), որը ֆինանսավորում է այնպիսի ԶԼՄ-ներ, ինչպիսիք են «Ամերիկայի ձայնը» և «Ազատություն» ռադիոկայանը։ Առայժմ Ազատություն ռադիոկայանի աշխատանքի փոփոխությունների մասին տեղեկություններ չեն հաղորդվել։
