11.09.2026 | 11:54
ՀՀ քննչական կոմիտեի և ՉԺՀ հանրային անվտանգության նախարարության միջև ստորագրվել է փոխըմբռնման հուշագիր
«Մինչև սեպտեմբերի 1-ը Եվրոպայում ահաբեկչական հարձակումների սպառնալիքը կպահպանվի». Պետդեպը՝ ԱՄՆ քաղաքացիներին
Քաղաքականություն
02.05.2017 | 11:08
ԱՄՆ Պետդեպարտամենտն իր քաղաքացիների համար նախազգուշացում է հրապարակել առաջիկա չորս ամիսներին Եվրոպայում ահաբեկչությունների սպառնալիքի մասին. տեղեկացնում է ՌԻԱ Նովոստին։
«Պետդեպարտամենտն ԱՄՆ քաղաքացիներին նախազգուշացնում է ամբողջ Եվրոպայում ահաբեկչական հարձակումների պահպանվող սպառնալիքի մասին։ Այդ նախազգուշացման ժամկետը լրանում է 2017 թվականի սեպտեմբերի 1-ին»,- ասվում է փաստաթղթում։
«Ֆրանսիայում, Ռուսաստանում, Շվեդիայում, Միացյալ Թագավորությունում տեղի ունեցած վերջին հայտնի դեպքերը ցույց են տվել, որ ԻՊ-ն , «Ալ Քաիդան» ու դրանց հետ կապակցված խմբավորումները հնարավորություն ունեն ծրագրել ու իրականացնել ահաբեկչական հարձակումներ Եվրոպայում»,- նշվում է հաղորդագրության մեջ։
Գերատեսչությունում նաև հիշեցնում են, որ ահաբեկիչները կարող են հարձակում իրականացնել առանց նախազգուշացման կամ գրեթե առանց նախազգուշացման։
