25.05.2026 | 13:31
Ռուբիոն հայտարարել է, որ Իրանի հետ «ամուր» համաձայնագիրը կարող է լինել արդեն այսօր
Պաշտոնական Բաքուն ակնկալում է ՀՀ Սահմանադրության փոփոխություն և Մինսկի խմբի լուծարում․ Մամեդով
Քաղաքականություն
14.03.2025 | 17:35
Դեռ վաղ է քննարկել Հայաստանի և Ադրբեջանի միջև խաղաղության համաձայնագրի ստորագրման վայրը։ Այս մասին լրագրողների հետ ճեպազրույցում հայտարարել է Ադրբեջանի փոխարտգործնախարար Էլնուր Մամեդովը։
Նա հավելել է՝ ադրբեջանական կողմը ներկայում սպասում է «իր ինքնիշխան տարածքների նկատմամբ 1990-ականներից գոյություն ունեցող պահանջների բացառումը՝ Հայաստանի Սահմանադրության մեջ համապատասխան փոփոխության միջոցով», ինչպես նաև պահանջում է ԵԱՀԿ Մինսկի խմբի լուծարում։
«Վերջին հարցով երկու պետություններն էլ կարող են դիմել ԵԱՀԿ-ին, ադրբեջանական կողմն արդեն որոշ ժամանակ այդ մասին առաջարկ է անում՝ հաշվի առնելով, որ հակամարտությունը լուծված է։ Ցավոք, հայկական կողմը դեռևս չի արձագանքել կոչին։ Հուսով ենք, որ Հայաստանը մեզ կտեղեկացնի իր իրական մտադրությունների մասին։ Հաշվի առնելով Հայաստանում ռևանշիստական ուժերի գործունեությունը՝ մենք սա լուրջ ռիսկ ենք համարում»,- հայտարարել է Մամեդովը։
Հավելենք, որ նախօրեին էլ Ադրբեջանի ԱԳՆ-ն առանձին հայտարարություն էր արել և խաղաղության պայմանագրի կնքման համար այս երկու պայմաններն առաջ քաշել։
Թարգմանությունը՝ Էմմա Չոբանյանի
