17.07.2026 | 19:42
Հայաստանն ու ԱՄԷ-ն քննարկել են թարմ բանջարեղենի, ծաղիկների ու հանքային ջրի արտահանման հնարավորությունը
Թուրքիան դիտարկում է Ուկրաինա խաղաղապահներ ուղարկելու հարցը` հրադադարի վերահսկման համար
Քաղաքականություն
14.03.2025 | 13:26
Թուրքիայի նախագահ Ռեջեփ Թայիփ Էրդողանը կարող է առաջարկել թուրքական զորքերի մասնակցություն Ուկրաինայում խաղաղապահ առաքելությանը՝ Եվրամիության հետ պաշտպանական և տնտեսական համագործակցության ընդլայնման շրջանակում։ Այս մասին գրում է Bloomberg-ը՝ վկայակոչելով իր աղբյուրներին։
Նշվում է,որ ԱՄՆ-ի կողմից Եվրոպայի հանդեպ իր պարտավորությունները վերագնահատելու ֆոնին Անկարան դառնում է ավելի ու ավելի տեսանելի քաղաքական խաղացող և ՆԱՏՕ-ի «սյունը»։ Աղբյուրները հայտնել են, որ Թուրքիան ձգտում է ավելի սերտ ռազմական և տնտեսական համագործակցության ԵՄ-ի հետ։ Այդ նպատակին հասնելու համար Անկարան կարող է իր զինվորներին առաջարկել որպես Ուկրաինայում խաղաղապահներ։
Ավելի վաղ Ֆրանսիան, Մեծ Բրիտանիան և Դանիան էին Ուկրաինա խաղաղապահ զորքեր ուղարկելու պատրաստակամություն հայտնել։
Թարգմանությունը՝ էմմա Չոբանյանի
