05.11.2026 | 17:27
Քրեական հետապնդումը ժամանակին չհարուցելու և բողոքարկման ժամկետը բաց թողնելու համար դատախազը խիստ նկատողություն է ստացել
Ավինյանի մամուլի քարտուղարը` ԱՆԻՖ-ի և քաղաքապետարանում ձերբակալությունների մասին․ ՏԵՍԱՆՅՈՒԹ
Հասարակություն
14.03.2025 | 11:51
«Չեմ կարծում՝ մենք ապրում ենք բազմամիլիոնանոց երկրում կամ քաղաքում, որ այս կամ այն մարդը ինչ-որ մեկի ընկերն է, ընկերուհին է, հարազատն է և բարեկամն է։ Շատ կարևոր է այստեղ այն հանգամանքը, թե այդ գումարն ինչի համար է տրվել, ինչի համար պետք է ծառայեր և ամենակարևորն այն է՝ ինչի համար չի ծառայել իր վերջնարդյունքին»,- քաղաքապետարանում հրավիրված ասուլիսում ասաց Երևանի քաղաքապետի մամուլի քարտուղար Հայկ Կոստանյանը՝ անդրադառնալով ԱՆԻՖ-ի շուրջ ստեղծված իրավիճակին։
Հիշեցնեք՝ «Հետք»-ը պարզել էր, որ ԱՆԻՖ-ի «Ձեռնարկատեր+պետություն» հիմնադրամը 2023 թվականին 1,5 մլրդ դրամի ներդրում է արել «Սի Էֆ Դաբլյու» ՓԲԸ-ում, որի բաժնետերերը ԱՄՆ Դելավեր նահանգի օֆշորում գրանցված ընկերություններ են։ Իսկ «Սի Էֆ Դաբլյու» ՓԲԸ-ի տնօրեն Կարինե Անդրեասյանը Տիգրան Ավինյանի կնոջ՝ Մարիամ Պահլավունու ընկերուհին է։ Ընկերությունը պետության կողմից ներդրումը ստացել է հիմնադրվելուց 8 օր հետո։ Ներկայում «Սի Էֆ Դաբլյու» ՓԲԸ-ում աշխատում է մեկ հոգի՝ ընկերության տնօրենը։
Հայկ Կոստանյանը անդրադարձավ նաև քաղաքապետարանում վերջին ձերբակալություններին։
«Երևանի քաղաքապետարանն այդ մասով որոշակի մտահոգություններ ունի։ Այդ ձերբակալությունները, որոնք այս կամ այն կերպ միանշանակ չեն ընդունվում ոչ միայն մեր, այլև փաստաբանների կողմից, մենք այդտեղ լուրջ խնդիրներ ենք տեսնում»,- ասաց Կոստանյանը։
Մանրամասները՝ տեսանյութում։
