Երիտասարդական մայրաքաղաքի հավաստագիրը պաշտոնապես տրվել է Ապարան համայնքին

Լուրեր

19.11.2026 | 23:31
ՀՀ տարածքում ավտոճանապարհները հիմնականում անցանելի են
19.11.2026 | 23:21
Հանրապետության նախագահի նստավայրում տեղի է ունեցել դատավորի երդման արարողություն
19.11.2026 | 23:14
Ինչու է Ղարաբաղից տեղահանվածների նոր կենսաչափական փաստաթղթերում ծննդյան վայր նշվում «Ադրբեջան». ՄՔԾ-ի պարզաբանումը
19.11.2026 | 22:53
Կանադայում ՀՀ դեսպանությանը կից ռազմական կցորդի հաստիք կսահմանվի
19.11.2026 | 22:38
ԲԸՏՄ-ն Երևանում կասեցրել է առանց ՇՄԱԳ-ի դրական եզրակացության իրականացվող յուղերի վերամշակումը
19.11.2026 | 22:24
Anthropic-ը IPO-ի միջոցով ռեկորդային 81 միլիարդ դոլար է ներգրավել․ ընկերության արժեքը գնահատվել է շուրջ 1,5 տրիլիոն դոլար
19.11.2026 | 22:10
Երևանի և 8 մարզի մի շարք հասցեներում էլեկտրաէներգիայի անջատումներ կլինեն
19.11.2026 | 21:55
Մասկը կարեկցանք է հայտնել Ուկրաինայում կռվող ռուսաստանցի զինվորների նկատմամբ
19.11.2026 | 21:43
Քննարկվել են Հայաստանի և ՄԱԿ-ի Եվրոպական տնտեսական հանձնաժողովի միջև համագործակցության ընդլայնման հնարավորությունները
19.11.2026 | 21:29
Ռոբերտ Աբիսողոմոնյանը ՄԱԿ-ի նախարարական համաժողովում ներկայացրել է «Խաղաղության խաչմերուկ»-ի և «ԹՐԻՓՓ»-ի նշանակությունը Հարավային Կովկասի համար
19.11.2026 | 21:15
Այո՛, ես ամեն օր քաղաքական հայտ եմ ներկայացնում․ ես քաղաքական գործիչ եմ․ Արմեն Գրիգորյան. ՏԵՍԱՆՅՈՒԹ
19.11.2026 | 21:09
ՌԴ-ի ու Վրաստանի հատուկ ներկայացուցիչները հանդիպել են Մինսկում
19.11.2026 | 20:58
Եվրահանձնաժողովը խոշոր կիբերհարձակման է ենթարկվել
19.11.2026 | 20:44
ԵՄ-ն ընդունում է Հայաստանի եվրոպական ձգտումները, որոնք հանդիսանում են երկրի ռազմավարական ժողովրդավարական ընտրությունը
19.11.2026 | 20:30
«Ճողոպրել է բանակից», «Վիրավորվել եմ»․ հեռակա բանավեճ Փաշինյանի և «Ուժեղ Հայաստան»-ի պատգամավորի միջև. ՏԵՍԱՆՅՈՒԹ
Բոլորը

ՀՀ 2025 թ. երիտասարդական մայրաքաղաքն Ապարանն է: Տիտղոսի ստանձնումը տեղի է ունեցել երիտասարդական մայրաքաղաքի հավաստագրի հանձնման հանդիսավոր արարողությամբ, որին ներկա են եղել ՀՀ կրթության, գիտության, մշակույթի և սպորտի նախարար Ժաննա Անդրեասյանը, նախարարի տեղակալ Արթուր Մարտիրոսյանը, ՏԻՄ ներկայացուցիչներ, ինչպես նաև համայնքի բնակիչներ և հյուրեր․ տեղեկացնում են ԿԳՄՍՆ-ից։

Մինչ պաշտոնական միջոցառման մեկնարկը՝ հյուրերը ծանոթացել են Ապարան համայնքի երիտասարդական, հասարակական, մշակութային տարբեր կառույցների ու Ապարանի արվեստի դպրոցի սաների աշխատանքների ցուցահանդեսին: Երիտասարդների մասնակցությամբ տեղի է ունեցել նաև «Երիտասարդության պայծառ գույները» խորագրով կտավի ստեղծումը:

Երիտասարդական կյանքի ակտիվացում

ԿԳՄՍ նախարար Ժաննա Անդրեասյանը, շնորհավորելով Ապարան համայնքի՝ «ՀՀ 2025 թ. երիտասարդական մայրաքաղաք» տիտղոսի ստանձնման առիթով, նշել է․ «Մթնոլորտը, որով մեզ դիմավորեցին համայնքային տարբեր կառույցների երիտասարդ ներկայացուցիչները, ցույց է տալիս, որ ընտրությունը ճիշտ է կատարվել: Կարևոր է, որ մենք խոսում ենք ոչ թե մեկ դահլիճում անցկացվող միջոցառման, այլ ամբողջ քաղաքում տիրող տրամադրության և միջավայրի մասին, որը տարվա ընթացքում ավելի է խտանալու տարբեր միջոցառումների և իրադարձությունների շնորհիվ: Վստահ եմ՝ թե՛ համայնքի, թե՛ նախարարության կողմից իրականացվող միջոցառումներն ամփոփելիս արձանագրելու ենք՝ Ապարանում երիտասարդական կյանքի մասնակցության որակն էապես փոխվել է»։

«Երիտասարդական քաղաքականության մասին» նոր օրենքի ընձեռած հնարավորության մասին

Նախարար Ժաննա Անդրեասյանը նաև նշել է՝ Ազգային ժողովը վերջերս ընդունել է «Երիտասարդական քաղաքականության մասին» օրենքը, որը մեր երկրում երիտասարդական քաղաքականության ոլորտը կարգավորող առաջին օրենքն է:
«Նոր օրենքի ընդունմամբ ոլորտի զարգացման և ավելի ակտիվ քաղաքականություն վարելու նոր հնարավորություններ են բացվում, և շատ կարևոր է, որ ընձեռված իրավական հնարավորությունները լիարժեք իրացվեն: Ապարանում ունենք լավ գործիքակազմի՝ մասնակցային բյուջետավորման հնարավորություն, ինչը նշանակում է՝ երիտասարդները կարող են ոչ միայն լավ գաղափարներ մշակել և քննարկել, այլև գնալ այդ գաղափարների իրականացման ուղիղ ճանապարհով: Վստահ եմ՝ նմանօրինակ հնարավորությունները ճիշտ օգտագործելով՝ կարող ենք խոսել երիտասարդական կյանքի որակի բարելավման մասին»,- ասել է Ժաննա Անդրեասյանը:

Ապարանը նորովի բացահայտելու առիթ

ԿԳՄՍ նախարարն ուրախությամբ նշել է՝ տաղավարներով շրջելիս ականատես է եղել, որ բազմաթիվ երիտասարդներ իրենց նախաձեռնություններով կարող են օրինակ ծառայել ու նաև իրենց փորձը կիսել այլ համայնքների երիտասարդների հետ: Այս համատեքստում Ժաննա Անդրեասյանն ընդգծել է «ԱԼՏԵՐԱ ԼԱԲ» երիտասարդական կենտրոնի գործունեությունը՝ նշելով, որ այն արդեն իսկ իրադարձային է համայնքի կյանքում:

«Երիտասարդական մայրաքաղաք լինելը ոչ միայն հաղթանակ է, այլև պատասխանատվություն: Վստահ եմ՝ երիտասարդական մայրաքաղաքը նաև Ապարանը նորովի բացահայտելու առիթ է դառնալու մեր մի շարք քաղաքացիների համար, որոնք այս տարի Ապարան գալու բազում առիթներ են ունենալու: Սա ևս կարևոր խնդիրներից է, քանի որ հաճախ կարիք ունենք բացահայտելու մեր երկիրը՝ տարբեր դիտանկյուններից։ Վստահ եմ՝ Ապարանը հյուրընկալ սպասելու է՝ բացահայտվելու, ներկայացնելու և ցույց տալու այն թաքնված ու հրաշալի կողմերը, որոնց մասին գուցե ոչ բոլորը գիտեն»․- խոսքն ամփոփել է նախարարը։

Ապարանն ընտրվել է թեժ մրցակցությամբ

ՀՀ կրթության, գիտության, մշակույթի և սպորտի նախարարի տեղակալ Արթուր Մարտիրոսյանի ընդգծմամբ՝ Ապարանը 2025 թվականի երիտասարդական մայրաքաղաք ընտրվել է դժվարին մրցակցության պայմաններում. հաշվի են առնվել մրցույթի չափանիշները, որոնք ենթադրում են ինչպես ենթակառուցվածքների առկայություն, այնպես էլ սոցիալական կապիտալ, այսինքն՝ քաղհասարակության, երիտասարդական կազմակերպությունների ակտիվություն, համագործակցություն ՏԻՄ-երի հետ, ինչպես նաև երիտասարդության գործուն քայլեր:

«Ապարանում կազմակերպվելու են տարբեր միջոցառումներ, հյուրընկալվելու են տարբեր գործիչներ և այցելուներ, որպեսզի ամբողջ տարվա ընթացքում Ապարանի երիտասարդները զգան մայրաքաղաքային շունչը և այն մնա նաև հետագա տարիներին»,- ասել է նախարարի տեղակալը։

Արագածոտնի մարզպետի տեղակալ Միլադա Հովհաննիսյանը ևս շնորհավորել է ներկաներին՝ ընդգծելով. «Դեռևս անցյալ տարի «ԱլտերաԼաբ» երիտասարդական կենտրոնի բացմամբ երիտասարդների ներուժը զարգացել է այնքան, որ այսօր կարողացանք նրանց ջանքերով նվաճել երիտասարդ մայրաքաղաքի տիտղոսը։ Վստահ եմ՝ այդ ներուժով երիտասարդները հանդես կգան նաև համայնքի ու մարզի խնդիրների լուծմանն ուղղված բազմաթիվ առաջարկներով»։

Հուշագիր՝ ԿԳՄՍ նախարարության և Ապարան համայնքի միջև

Երիտասարդները նշել են, որ երիտասարդական մայրաքաղաքի տիտղոսը համարում են հաղթանակ, որն իրենց պարտավորեցնում է մշտապես առաջ գնալ, զարգանալ ու ուժեղանալ։

Միջոցառման շրջանակում ԿԳՄՍ նախարարության և Ապարանի համայնքապետարանի միջև կնքվել է հուշագիր, որի նպատակն է խթանել Ապարան համայնքի երիտասարդական կյանքի ակտիվացումը, աջակցել երիտասարդների նախաձեռնություններին, նպաստել ենթակառուցվածքների զարգացմանը և երիտասարդական կազմակերպությունների ծրագրերի իրականացմանը։