24.06.2026 | 20:24
Անկարայում ՆԱՏՕ-ի գագաթնաժողովից առաջ ԻԼԻՊ-ի հետ կապված կասկածյալ է սպանվել
ԱՄՆ նախագահի հատուկ բանագնացի ինքնաթիռը ժամանել է Մոսկվա
Քաղաքականություն
13.03.2025 | 15:17
Gulfstream G650ER ինքնաթիռը, որը կապված է Մերձավոր Արևելքի հարցերով ԱՄՆ նախագահ Դոնալդ Թրամփի հատուկ բանագնաց Սթիվ Ուիթկոֆի հետ, վայրէջք է կատարել Վնուկովո օդանավակայանում, գրում է ՌԲԿ-ն։
Ըստ Flightradar-ի տվյալների՝ նա ավելի վաղ թռել էր Կատարից դեպի հյուսիս: Ինքնաթիռի՝ Մոսկվայում վայրէջք կատարելու մասին հայտնում է նաև Ինտերֆաքսը՝ վկայակոչելով ավիացիոն ծառայություններին։
Այսօր ավելի վաղ էլ Կրեմլի խոսնակ Դմիտրի Պեսկովը հաստատել էր, որ ամերիկացի բանակցողները մեկնում են Ռուսաստան։
«Իսկապես, բանակցողները գալիս են, և իսկապես, շփումներ նախատեսված են։ Մենք առաջ չենք ընկնի, ձեզ ավելի ուշ կտեղեկացնենք»,- լրագրողներին ասել էր Պեսկովը ամենօրյա ճեպազրույցի ժամանակ։
Թարգմանությունը՝ Էմմա Չոբանյանի
