08.04.2026 | 10:25
ՆԳՆ փրկարար ծառայությունը հորդորում է ուժեղ քամու դեպքում պահպանել անվտանգության կանոնները
Վարորդները 12 ժամ մաքսատան դիմաց սպասում են իրենց հերթին․ ինչպե՞ս է կարգավորվելու խնդիրը. ՏԵՍԱՆՅՈՒԹ
Հասարակություն
01.10.2018 | 15:55
Նորագավիթի մաքսատան դիմաց այսօր բողոքի ակցիա էր։ Պատճառն, ըստ ցուցարարների մաքսատան դիմաց գոյացող հերթերն ու մաքսազերծման գներն են։ Վարորդների իրավունքների պաշտպան Արտակ Խաչատրյանը նշում է, որ մաքատունն ունի բարեխիղճ աշխատողների պակաս, ինչն էլ հանգեցնում է մի շարք խնդիրների, որոնց բախվում են վարորդները։
Վարորդները պնդում են, որ մաքսատան պետը փոխվում է, բայց իրենց խնդիրները չեն լուծվում։ Նրանցից մեկն, օրինակ, ասաց, որ մինչև իր հերթի հասնելն ու գործարքն ավարտին հասցնելը պահանջվել է 12 ժամ․ Արարատյան մաքսատան վարչության պետի տեղակալ Արմեն Սաֆարյանը հանդիպեց ցուցարարներին և ասաց, որ ՊԵԿ-ը քայլեր է ձեռնարկումը խնդիրը կարգավորելու համար և դրական տեղաշարժը շուտով տեսանելի կլինի։
Պաշտոնյան խնդիրների լուծման վերջնական ժամկետ դժվարացավ նշել, բայց խոստովանեց, որ մաքսատան տարածքը ևս պատճառ է դառնում որպեսզի հերթեր գոյանան։ Ասաց՝ ներկրվող մեքենաների քանակն անցած տարվա համեմատ կրկնակի ավելացել է, իրենց թողունակությունը մնացել է նույնը։ Դրա պատճառներից մեկն էլ հենց տարածքի անհարմարավետությունն է։ Այս հարցը ևս ներկայացվել է ՊԵԿ-ին։ Սպասում են բարեփոխումների։
