20.02.2026 | 02:07
Ադելիա Պետրոսյանը մեդալ չնվաճեց ձմեռային Օլիմպիական խաղերում
Թրամփի հատուկ բանագնացն «այս շաբաթ» կայցելի Մոսկվա
Քաղաքականություն
13.03.2025 | 12:59
Մերձավոր Արևելքում ԱՄՆ նախագահ Դոնալդ Թրամփի հատուկ բանագնաց Սթիվ Ուիթկոֆը կայցելի Մոսկվա՝ ռուսական կողմի հետ բանակցությունների։ Այս մասին հայտնել է Սպիտակ տան մամուլի քարտուղար Քերոլայն Լևիթը, գրում է CNN-ը։
Նա նշել է, որ ազգային անվտանգության հարցերով խորհրդական Մայք Ուոլցն ավելի վաղ խոսել է իր ռուս գործընկերոջ հետ, և որ Մերձավոր Արևելքի բանագնաց Սթիվ Ուիթկոֆն այս շաբաթ մեկնում է Մոսկվա՝ Ռուսաստանին կոչ անելու ստորագրել հրադադարի ծրագիրը:
Լևիթը բանակցությունների վիճակը բնութագրել է որպես «խաղաղությունից տասը յարդ հեռավորության վրա» և նշել, որ «այժմ ռուսներին մնում է համաձայնել այս ծրագրին»:
Նա նաև հրաժարվել է ասել՝ արդյո՞ք Թրամփի վարչակազմը գործադրելու մեխանիզմներ ունի, եթե Ռուսաստանը խախտի Ուկրաինայի հետ ԱՄՆ-ի առաջարկած զինադադարը: Միաժամանակ, Լևիթը չի պատասխանել հարցին՝ արդյո՞ք ԱՄՆ նախագահ Դոնալդ Թրամփը նախատեսում է զանգահարել ՌԴ նախագահ Վլադիմիր Պուտինին՝ փորձելով ուղղակի ճնշում գործադրել հրադադարը պահպանելու համար:
Թարգմանությունը՝ Էմմա Չոբանյանի
