08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Թրամփը սպառնացել է՝ հետևանքները ՌԴ-ի համար «շատ վատ կլինեն», եթե Մոսկվան հրաժարվի Ուկրաինայի հետ հրադադարի համաձայնագրից
Քաղաքականություն
13.03.2025 | 10:55
ԱՄՆ նախագահ Դոնալդ Թրամփը նախազգուշացել է Մոսկվային՝ հրադադարի մասին համաձայնագիրը «այժմ կախված է Ռուսաստանից», հաղորդում է Sky News-ը։
Ուկրաինան ավելի վաղ ընդունել էր ավելի քան երեք տարի տևած հակամարտությունում հրադադարի 30-օրյա առաջարկը՝ Սաուդյան Արաբիայում գործարքի շուրջ ութ ժամ տևած բանակցություններից հետո:
«Հույս ունեմ, որ կարող ենք հրադադար ստանալ Ռուսաստանից։ Մենք դեռևս չենք խոսել [Ռուսաստանի նախագահ Վլադիմիր Պուտինի հետ], քանի որ նոր իմացանք և կարողացանք ստիպել Ուկրաինային համաձայնության գալ: Մենք կիմանանք շատ շուտով», – ասել է նա Սպիտակ տանը Իռլանդիայի առաջնորդ Մայքլ Մարտինի հետ հանդիպմանը։
Նա հավելել է, որ ստացել է «մի քանի դրական հաղորդագրություններ, բայց դրական ուղերձը ոչինչ չի նշանակում, սա շատ լուրջ իրավիճակ է»:
Թրամփը նաև սպառնացել է Ռուսաստանի համար ծանր հետևանքներով, եթե Մոսկվան չհամաձայնի հրադադարին։
«Կան բաներ, որոնք դուք կարող եք անել, որոնք հաճելի չեն լինի ֆինանսական առումով: Ես կարող եմ ֆինանսապես այնպիսի բաներ անել, որոնք շատ վատ կլինեն Ռուսաստանի համար։ Ես չեմ ուզում դա անել, քանի որ ես ուզում եմ խաղաղություն տեսնել»,- հայտարարել է ԱՄՆ նախագահը:
Թարգմանությունը՝ Էմմա Չոբանյանի
