07.09.2026 | 17:42
Բաքուն Սոթքի հանքավայրի ադրբեջանական հատվածում իրականացրել է առաջին հորատապայթեցման աշխատանքները
ՀՀ-ի և Նիդերլանդների միջև ռազմավարական փաստաթուղթ է ստորագրվել. Միրզոյան․ ՏԵՍԱՆՅՈՒԹ
Քաղաքականություն
12.03.2025 | 14:12
Հայաստանը և Նիդերլանդների Թագավորությունն այսօր ռազմավարական գործընկերության մասին հռչակագիր են ստորագրել, այս մասին հայտարարեց ԱԳ նախարար Արարատ Միրզոյանը Նիդերլանդների ԱԳ նախարար Կասպար Վելդկամպի հետ համատեղ մամուլի ասուլիսում։
Միրզոյանն ընդգծեց, որ փաստաթղթով ՀՀ-Նիդերլանդներ հարաբերությունները նոր փուլ են թևակոխում։
«Այդ փաստաթութն ընդգրկում է բազմաթիվ ոլորտներ, այդ թվում՝ քաղաքական և տնտեսական կապերի ամրապնդում, ենթակառուցվածքներ, կիբերանվտանգության ոլորտում համագործակցության խորացում, ներառյալ՝ պայքար հիբրիդային վտանգների սպառնալիքների դեմ, ժողովրդավարական ինստիտուտների ամրապնդում, արդարադատության և իրավունքի գերակայության խթանում»,- մանրամասնեց նա։
Հիշեցնենք, որ այսօր պաշտոնական այցով Հայաստան է ժամանել Նիդերլանդների արտաքին գործերի նախարար Կասպար Վելդկամպը: ԱԳՆ-ում կայացել է արտգործնախարարների հանդիպումը։
Ըստ ԱԳՆ հաղորդագրության՝ տեղի է ունեցել նաև երկու երկրների արտաքին գերատեսչությունների ղեկավարների ընդլայնված կազմով հանդիպումը: Օրակարգում է փոխադարձ հետաքրքրություն ներկակացնող հարցերի լայն շրջանակ, երկկողմ, տարածաշրջանային և միջազգային բնույթի թեմաներ:
Մանրամասները՝ տեսանյութում։
