08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Նարիշկինը հեռախոսազրույց է ունեցել ԱՄՆ ԿՀՎ ղեկավարի հետ
Քաղաքականություն
12.03.2025 | 11:17
ՌԴ Արտաքին հետախուզության ծառայության տնօրեն Սերգեյ Նարիշկինը և ԿՀՎ տնօրեն Ջոն Ռեթքլիֆը հեռախոսազրույց են ունեցել և պայմանավորվել կանոնավոր կապեր պահպանել, գրում է Ինտերֆաքսը։
«2025 թվականի մարտի 11-ին հեռախոսազրույց է տեղի ունեցել ՌԴ Արտաքին հետախուզության տնօրեն Նարիշկինի և ԱՄՆ ԿՀՎ ղեկավար Ռեթքլիֆի միջև: Զրույցի ընթացքում քննարկվել են ընդհանուր հետաքրքրություն ներկայացնող ոլորտներում երկու հետախուզական ծառայությունների փոխգործակցության և ճգնաժամային իրավիճակների կարգավորման հարցեր»,- ասվում է ռուսական կողմի հաղորդագրության մեջ։
Նշվում է, որ զրույցի ընթացքում «համաձայնություն է ձեռք բերվել կանոնավոր կապեր պահպանել միմյանց միջև՝ նպատակ ունենալով նպաստել միջազգային կայունությանն ու անվտանգությանը, ինչպես նաև նվազեցնել առճակատումը Մոսկվայի և Վաշինգտոնի միջև հարաբերություններում»։
Թարգմանությունը՝ Էմմա Չոբանյանի
