08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Ռուսական զորքերն Ուկրաինային հարվածել են բալիստիկ հրթիռով և 126 անօդաչուով
Քաղաքականություն
11.03.2025 | 15:06
Ռուսական զորքերը լույս մարտի 11-ի գիշերն Ուկրաինայի ուղղությամբ արձակել են «Իսկանդեր-Մ» բալիստիկ հրթիռ և 126 անօդաչու թռչող սարք։Այս մասին հայտնում է Ուկրաինայի ռազմաօդային ուժերի հրամանատարությունը։
Ըստ ուկրաինացի զինվորականների՝ տեղական ժամանակով 08:00-ի դրությամբ Խարկովի, Պոլտավայի, Սումիի, Չեռնիգովի, Կիևի, Ժիտոմիրի, Վիննիցայի, Դնեպրոպետրովսկի, Զապորոժիայի, Օդեսայի և Խերսոնի շրջաններում հրթիռ է խոցվել և 79 անօդաչու թռչող սարք։
Ռուսական հարձակման արդյունքում տուժել են Դոնեցկի, Օդեսայի, Խարկովի, Սումիի և Կիևի շրջանները։
Օդեսայում հրդեհվել են վառելիքի տանկերը, մասնավոր բնակելի շենքը, մանկական խաղալիքներով պահեստը։ Նախնական տեղեկություններով՝ զոհեր և վիրավորներ չկան:Այս մասին հայտնում է Ուկրաինայի արտակարգ իրավիճակների պետական ծառայությունը։
Կիևի մարզում տներ են վնասվել, Խարկովի մարզում՝ պահեստներ և գյուղտեխնիկա, Բալակլեյա քաղաքում մեկ մարդ է տուժել։
Սումիի շրջանում հարված է հասցվել սահմանամերձ բնակավայրերից մեկին, խոշոր հրդեհ է բռնկվել բնակելի հատվածում։ Նախնական տվյալներով՝ վիրավորվել է մեկ մարդ, վնասվել են բազմաբնակարան շենքեր, մասնավոր բնակելի շենքեր, ավտոմեքենաներ։
Թարգմանությունը՝ Էմմա Չոբանյանի
