08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Մարկո Ռուբիոն հայտարարել է USAID-ի ծրագրերի 83%-ը պաշտոնապես չեղարկելու մասին
Քաղաքականություն
10.03.2025 | 14:03
6-շաբաթյա վերանայումից հետո մենք պաշտոնապես չեղարկում ենք ԱՄՆ Միջազգային զարգացման գործակալության՝ USAID ծրագրերի 83%-ը: Այս մասին հայտնել է ԱՄՆ պետքարտուղար Մարկո Ռուբիոն X-ի իր միկրոբլոգում։
«5200 պայմանագրերով, որոնք այժմ չեղյալ են հայտարարվել, տասնյակ միլիարդավոր դոլարներ են ծախսվել այնպիսի եղանակներով, որոնք չեն ծառայել (և որոշ դեպքերում նույնիսկ վնասել են) Միացյալ Նահանգների հիմնական ազգային շահերին։ Կոնգրեսի հետ խորհրդակցելով՝ մենք մտադիր ենք, որ մեր կողմից պահպանվող ծրագրերի մնացած 18%-ը (մոտ 1000-ը) այժմ ավելի արդյունավետ կառավարվեն Պետքարտուղարության ներքո»,- գրել է Ռուբիոն։
Նա շնորհակալություն է հայտնել «DOGE-ին և իրենց աշխատասեր անձնակազմին, որոնք երկար ժամեր աշխատել են այդ ուշացած և պատմական բարեփոխումներին հասնելու համար»։
Հիշեցնենք, որ ԱՄՆ նախագահ Դոնալդ Թրամփի վարչակազմի որոշմամբ՝ ամբողջ աշխարհում USAID-ի օգնության ծրագրերն ավելի վաղ սառեցվել էին։
Թարգմանությունը՝ Էմմա Չոբանյանի
