20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
CNN-ը հայտնում է այս շաբաթ Սաուդյան Արաբիայում ԱՄՆ-ՌԴ ևս մեկ հանդիպման մասին․ Զախարովան հերքում է
Քաղաքականություն
10.03.2025 | 14:30
ԱՄՆ նախագահ Դոնալդ Թրամփի վարչակազմի բարձրաստիճան պաշտոնյաներն այս շաբաթ Սաուդյան Արաբիայում առանձին կհանդիպեն ռուս և ուկրաինացի պաշտոնյաների հետ։ Այս մասին CNN-ին ասել է ծրագրին ծանոթ աղբյուրը։ Նա, սակայն, չի նշել, թե ով է ներկա լինելու բանակցություններին:
Մինչ այդ, Թրամփը խոսել էր առաջիկա բանակցությունների մասին նախագահական ինքնաթիռում լրագրողների հետ զրույցում՝ նշելով, որ «մեծ հանդիպումներ են սպասվում Սաուդյան Արաբիայում», որոնք կներառեն Ռուսաստանը։
Հավելենք, որ Կիևի և Վաշինգտոնի միջև բանակցությունները նախատեսված են մարտի 11-ին Սաուդյան Արաբիայի Ջիդդա քաղաքում։
Միաժամանակ, ՌԴ ԱԳՆ պաշտոնական ներկայացուցիչ Մարիա Զախարովան հայտարարել է, որ այս շաբաթ Սաուդյան Արաբիայում Ռուսաստանի և ԱՄՆ-ի միջև բանակցությունների նոր փուլ նախատեսված չէ։
«Չի նախատեսվում։ Ավելին, ամերիկյան կողմից որևէ տեղեկություն չի ստացվել»,- ասել է դիվանագետը։
ԱՄՆ-ի և ՌԴ-ի պատվիրակությունների հանդիպումը Սաուդյան Արաբիայում տեղի էր ունեցել փետրվարի 18-ին։
Թարգմանությունը՝ Էմմա Չոբանյանի
