21.12.2025 | 12:17
Պակիստանի նախկին վարչապետ Իմրան Խանը և նրա կինը դատապարտվել են 17 տարվա ազատազրկման
Բաքուն հայտարարել է, թե ՀՀ-ն, իբր, խուսափում է համագործակցել անհետ կորածների ճակատագիրը պարզելու հարցում
Քաղաքականություն
10.03.2025 | 12:26
«Հայաստանը շարունակում է խուսափել անհետ կորածների ճակատագրի պարզաբանման հարցում Ադրբեջանի հետ համագործակցությունից և հրաժարվում է տեղեկատվություն տրամադրել զանգվածային գերեզմանների մասին», հայտարարվել է Անհետ կորածների միջազգային հանձնաժողովի (ICMP)՝ «Ադրբեջանի Հանրապետությունում անհետ կորածների որոնումների վերաբերյալ գնահատման զեկույցի» շնորհանդեսի ժամանակ, հայտնում են ադրբեջանական լրատվամիջոցները։
Հաղորդվում է, թե միջոցառմանը Ադրբեջանի Պետական անվտանգության ծառայության (ՊԱԾ) պետի տեղակալ, գեներալ-լեյտենանտ Շարաֆաթ Հասանովը հայտարարել է, թե պատրաստ են Հայաստանի հետ համագործակցության։
«Մեզ մոտ կարծիք է ձևավորվել, որ հայերը թաղումների մասին տեղեկություններ չեն տալիս՝ թաքցնելու համար սարսափելի խոշտանգումների հետքերը։ Ամեն դեպքում, մենք հայտարարում ենք բոլոր միջազգային կազմակերպությունների, այդ թվում՝ հայկական կողմի հետ այս հարցերի շուրջ համապարփակ համագործակցության պատրաստակամության մասին»,- ասել է նա։
Հավելենք, որ Հայաստանը չի խուսափել և չի խուսափում Ադրբեջանի հետ անհետ կորածների հարցով բանակցություններից։ Հայկական կողմից կա շուրջ 1200 անհետ կորած, նրանցից 200-ը կորել են 44-օրյա պատերազմի ժամանակ;
Հիշեցնենք, որ փետրվարի 7-ին Հայաստանի և Ադրբեջանի սահմանին տեղի է ունեցել Հայաստանի Հանրապետության գերիների, պատանդների և անհայտ կորած (գտնվելու վայրն անհայտ) անձանց հարցերով զբաղվող միջգերատեսչական հանձնաժողովի և Ադրբեջանի Հանրապետության ռազմագերիների, պատանդների և անհայտ կորած քաղաքացիների հարցերով պետական հանձնաժողովի հանդիպումը:
Թարգմանությունը՝ Էմմա Չոբանյանի
