08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Սպառնում են խաղաղությանը․ Թուրքիայի ԱԳՆ-ն՝ Սիրիայում կառավարական ուժերի և Ասադի կողմնակիցների բախումների մասին
Քաղաքականություն
07.03.2025 | 21:18
Անկարան հանդես է գալիս ցանկացած գործողության դեմ, որն ուղղված է ճնշելու սիրիացի ժողովրդի՝ խաղաղ ու բարգավաճ ապրելու իրավունքը։ Այս մասին հայտարարել է Թուրքիայի ԱԳՆ խոսնակ Օնջու Քեչելին՝ մեկնաբանելով սիրական Լաթաքիայում կառավարական ուժերի և նախկին նախագահ Բաշար Ասադի կողմնակիցների միջև բախումները, գրում է Անադոլուն։
Նա նշել է, որ Թուրքիան ամուր աջակցում է սիրիական ժողովրդին ու կառավարությանը։ Անկարան կոչ է անում թույլ չտալ նման սադրանքներ, որոնք սպառնում են Սիրիայում և տարածաշրջանում խաղաղությանը։ Քեչելին ասել է, որ ներկայում ինտենսիվ ջանքեր են գործադրվում Սիրիայում անվտանգության ու կայունության հաստատման համար, և որ անվտանգության ուժերի վրա հարձակումները երկրի համար վճռական պահին կարող են վնաս հասցնել Սիրիայում միասնության ու համերաշխության ապահովմանը։
Հավելենք, որ ըստ տեղեկությունների՝ հավելյալ զորքեր և ռազմական տեխնիկա է ուղարկվել Լաթաքիա և Տարտուս։ Նշվում է, որ տարածաշրջանում գործողությունների շրջանականն ընդլայնվում է՝ ուղղված Ասադի կողմնակից նախկին զինվորականների ձերբակալմանը։
Ավելի վաղ հաղորդվել էր, որ ավելի քան 70 մարդ է զոհվել, տասնյակները՝ վիրավորվել Սիրիայում կառավարական անվտանգության ուժերի և նախկին նախագահ Բաշար Ասադին հավատարիմ զինյալների միջև մարտերի ընթացքում։
Թարգմանությունը՝ Էմմա Չոբանյանի
