Էրդողանն Ուկրաինայի հարցում կարևորել է «ամուր դիվանագիտությունը» և բանակցությունները հյուրընկալելու պատրաստականություն հայտնել

Լուրեր

19.11.2026 | 23:31
ՀՀ տարածքում ավտոճանապարհները հիմնականում անցանելի են
19.11.2026 | 23:21
Հանրապետության նախագահի նստավայրում տեղի է ունեցել դատավորի երդման արարողություն
19.11.2026 | 23:14
Ինչու է Ղարաբաղից տեղահանվածների նոր կենսաչափական փաստաթղթերում ծննդյան վայր նշվում «Ադրբեջան». ՄՔԾ-ի պարզաբանումը
19.11.2026 | 22:53
Կանադայում ՀՀ դեսպանությանը կից ռազմական կցորդի հաստիք կսահմանվի
19.11.2026 | 22:38
ԲԸՏՄ-ն Երևանում կասեցրել է առանց ՇՄԱԳ-ի դրական եզրակացության իրականացվող յուղերի վերամշակումը
19.11.2026 | 22:24
Anthropic-ը IPO-ի միջոցով ռեկորդային 81 միլիարդ դոլար է ներգրավել․ ընկերության արժեքը գնահատվել է շուրջ 1,5 տրիլիոն դոլար
19.11.2026 | 22:10
Երևանի և 8 մարզի մի շարք հասցեներում էլեկտրաէներգիայի անջատումներ կլինեն
19.11.2026 | 21:55
Մասկը կարեկցանք է հայտնել Ուկրաինայում կռվող ռուսաստանցի զինվորների նկատմամբ
19.11.2026 | 21:43
Քննարկվել են Հայաստանի և ՄԱԿ-ի Եվրոպական տնտեսական հանձնաժողովի միջև համագործակցության ընդլայնման հնարավորությունները
19.11.2026 | 21:29
Ռոբերտ Աբիսողոմոնյանը ՄԱԿ-ի նախարարական համաժողովում ներկայացրել է «Խաղաղության խաչմերուկ»-ի և «ԹՐԻՓՓ»-ի նշանակությունը Հարավային Կովկասի համար
19.11.2026 | 21:15
Այո՛, ես ամեն օր քաղաքական հայտ եմ ներկայացնում․ ես քաղաքական գործիչ եմ․ Արմեն Գրիգորյան. ՏԵՍԱՆՅՈՒԹ
19.11.2026 | 21:09
ՌԴ-ի ու Վրաստանի հատուկ ներկայացուցիչները հանդիպել են Մինսկում
19.11.2026 | 20:58
Եվրահանձնաժողովը խոշոր կիբերհարձակման է ենթարկվել
19.11.2026 | 20:44
ԵՄ-ն ընդունում է Հայաստանի եվրոպական ձգտումները, որոնք հանդիսանում են երկրի ռազմավարական ժողովրդավարական ընտրությունը
19.11.2026 | 20:30
«Ճողոպրել է բանակից», «Վիրավորվել եմ»․ հեռակա բանավեճ Փաշինյանի և «Ուժեղ Հայաստան»-ի պատգամավորի միջև. ՏԵՍԱՆՅՈՒԹ
Բոլորը

Թուրքիայի նախագահ Ռեջեփ Թայիփ Էրդողանը, որը մասնակցել Եվրամիության համախոհ երկրների առաջնորդների առցանց հանդիպմանը, հայտարարել է, որ Անկարան առաջին իսկ օրից շատ ինտենսիվ և անկեղծ ջանքեր է գործադրում Ուկրաինայի պատերազմին երկխոսության միջոցով վերջ տալու համար։

Նա նշել է, որ ամեն առիթով հստակ հայտարարել են՝ արդար խաղաղության պայմաններում պարտվողներ չեն լինելու։

«Դա անելիս մենք նաև ամուր աջակցություն ենք ցուցաբերել մեր ռազմավարական գործընկեր Ուկրաինայի տարածքային ամբողջականությանն ու անկախությանը: Այսօր մենք ուշադրություն ենք հրավիրում ամուր դիվանագիտության կարևորությանը, որտեղ երկու կողմերը, որոնք պայքարում են արդար, կայուն և պատվաբեր խաղաղության համար, կլինեն սեղանի շուրջ: Թուրքիան աջակցում է Ռուսաստանի և Ուկրաինայի միջև հակամարտությունում վաղաժամ զինադադարին և օդում ու ծովում հրադադարի նախաձեռնությանը՝ որպես կողմերի միջև վստահության ամրապնդման միջոց»,- ասել է Թուրքիայի նախագահը։

Նա ընդգծել է Թուրքիայի նշանակությունը եվրոպական անվտանգության քաղաքականության ձևավորման գործում և կոչ է արել համատեղ պլանավորում Թուրքիայի և ԵՄ-ի միջև։

«Մենք կարծում ենք, որ մեր փոխադարձ շահերից է բխում Թուրքիայի հետ համակարգել եվրոպական անվտանգությանն առնչվող բոլոր քայլերը»,- ասել է նա։

Անդրադառնալով Թուրքիայի աջակցությանն Ուկրաինային՝ նա մատնանշել է երկրի պաշտպանական արդյունաբերության ներդրումը և Ուկրաինայում թուրքական մասնավոր հատվածի ներդրումների հաստատակամությունը՝ չնայած շարունակվող պատերազմին:

«Հաշվի առնելով Ուկրաինային մեր պաշտպանական արդյունաբերության աջակցությունը և մեր մասնավոր հատվածի անսասան ներդրումը, չնայած պատերազմական պայմաններին, մենք անհիմն ենք համարում այն, որ Թուրքիան դուրս է մնում ԵՄ պաշտպանական գնումների ծրագրերից և վերակառուցման նախաձեռնություններից»,- ասել է Էրդողանը։

Նա հավելել է, որ Թուրքիան պետք է ներառվի այնպիսի մեխանիզմներում, ինչպիսին է Խաղաղության եվրոպական հիմնադրամը, որի նպատակն է աջակցել Ուկրաինայի վերակառուցմանը։

«Քանի որ մենք աշխատում ենք Ուկրաինայում արդար, տևական և պատվաբեր խաղաղության ուղղությամբ, մենք պատրաստ ենք հյուրընկալել բանակցային ջանքերը և ամեն կերպ նպաստել», – հայտարարել է Թուրքիայի  նախագահը։

Էրդողանը վերահաստատել է Թուրքիայի հավատարմությունը ԵՄ-ին լիիրավ անդամակցությանը և հորդորել դաշինքին ավելի ռազմավարական և հեռանկարային դիրքորոշում որդեգրել։

«Մենք հաստատակամորեն պահպանում ենք ԵՄ լիիրավ անդամակցության մեր նպատակը։ ԵՄ-ն այժմ պետք է որդեգրի ռազմավարական և տեսլական մոտեցում և հնարավորինս շուտ վերակենդանացնի մեր անդամակցության բանակցությունները»,- ասել է նա՝ կոչ անելով  արագ կազմակերպել բարձր մակարդակի հանդիպումները Թուրքիայի և ԵՄ-ի միջև՝ քննարկելու ընդհանուր անվտանգության և տնտեսական մարտահրավերները։

Թարգմանությունը՝ Էմմա Չոբանյանի