09.10.2026 | 10:21
Թուրքմենստանում ընթանում է ԱՊՀ պետությունների ղեկավարների գագաթնաժողովը՝ Նիկոլ Փաշինյանի մասնակցությամբ
ՌԴ-ն կարող է պատասխան միջոցներ ձեռնարկել ԵՄ-ի ռազմականացման դեմ․ Պեսկով
Քաղաքականություն
07.03.2025 | 16:36
Ռուսաստանից ԵՄ-ի ռազմականացմանը պատասխան քայլեր կպահանջվեն՝ անվտանգության ապահովման համար, հայտարարել է ՌԴ նախագահի մամուլի խոսնակ Դմիտրի Պեսկովը, գրում է ՏԱՍՍ-ը։
«Համապատասխան պատասխան միջոցներ ձեռնարկելու անհրաժեշտություն է առաջանում՝ մեր անվտանգության ապահովման համար»,- ասել է Պեսկովը։
Նա նաև նշել է, որ Մոսկվան ԵՄ-ի ռազմականացման հետ կապված սպառնալիքներ է տեսնում։
«Այս ամբողջ ռազմականացումը տեղի է ունենում հիմնականում Ռուսաստանի դեմ։ Մենք տեսնում ենք, որ Եվրամիությունը հիմա շատ ակտիվ քննարկում է ռազմականացման թեման, մասնավորապես, պաշտպանական սեգմենտի զարգացումը։ Սրանք գործընթացներ են, որոնց մենք ուշադիր հետևում ենք, քանի որ Եվրամիությունը Ռուսաստանին համարում է իր գլխավոր հակառակորդ»,- ասել է Կրեմլի խոսնակը։
Պեսկովը նաև խոսել է տնտեսականից ռազմական դաշինքի վերածվելու՝ Եվրամիության ծրագրերի և ուկրաինական կարգավորման հեռանկարների միջև անհամաձայնության մասին։
«Այնպիսի առճակատման հռետորաբանությունը և առճակատման ծրագրերը, որոնք մենք այժմ տեսնում ենք Բրյուսելում և եվրոպական մայրաքաղաքներում, իհարկե, լրջորեն հակասում են Ուկրաինայի շուրջ իրավիճակի խաղաղ կարգավորման ուղիներ գտնելու տրամադրություններին»,- ասել է նա։
Հիշեցնենք, որ ԵՄ առաջնորդները համաձայնության են եկել ուժեղացնել դաշինքի պաշտպանությունը, որի համար նախատեսվում է մոբիլիզացնել 800 մլրդ եվրո։
Թարգմանությունը՝ Էմմա Չոբանյանի
