25.05.2026 | 16:00
Տղամարդավարի ներողություն խնդրիր Օսիպյանից. Տիգրան Պետրոսյանը դիմեց Փաշինյանին․ ՏԵՍԱՆՅՈՒԹ
Լրանում է Վրաստանում բողոքի ցույցերի 100 օրը․ մի շարք ակցիաներ են սպասվում
Քաղաքականություն
07.03.2025 | 15:35
Վրաստանում շարունակական բողոքի ցույցերի հարյուրերորդ օրը մի շարք ակցիաներ են նախատեսվում մայրաքաղաք Թբիլիսիում և երկրի այլ շրջաններում։ «Մինչև վերջ»․ այս կարգախոսով այսօր Վրաստանի քաղաքացիները հավաքվելու են երկրի խորհրդարանի շենքի մոտ, գրում է Գրուզիա օնլայնը։
«Ռուսթավելի պողոտայում զանգվածային բողոքի ակցիաների հարյուրերորդ օրը հավաքվելու են Վրաստանի մեծ թվով քաղաքացիներ։ Մենք ևս մեկ անգամ պահանջելու ենք օկուպացիոն ռեժիմի հրաժարականը և ցույց ենք տալու բոլորին, որ մտադիր չենք համակերպվել իշխանության յուրացման ու բռնապետության հաստատման հետ։ Մենք պայքարելու ենք մինչև վերջ և թույլ չենք տալու գողանալ երկրի ապագան»,- ասվում է կազմակերպիչների տարածած հայտարարության մեջ։
Հավելենք, որ Վրաստանում խորհրդարանական ընտրություններում իշխող «Վրացական երազանք» կուսակցության հաղթանակից հետո, որի արդյունքները վիճարկում է ընդդիմությունը, երկրում բողոքի ցույցեր են սկսվել։ Դրանք ավելի մեծ թափ հավաքեցին այն բանից հետո, երբ վարչապետ Իրակլի Կոբախիձեն հայտարարեց ԵՄ-ին անդամակցելու շուրջ բանակցությունները չորս տարով դադարեցնելու մասին: Մինչ օրս ցույցերը շարունակվում են։
Թարգմանությունը՝ Էմմա Չոբանյանի
