13.01.2026 | 20:44
Կանխարգելվել է մոտ 15.000.000 ՀՀ դրամի հափշտակության դեպք. ՆԳՆ կիբեռոստիկանություն
Դպրոցի պատուհանից երեխայի ընկնելու դեպքով քրեական վարույթ է նախաձեռնվել
Հասարակություն
06.03.2025 | 15:39
Ջրվեժի դպրոցում երրորդ հարկի պատուհանից 7-րդ դասարանի աշակերտի ընկնելու դեպքի առնչությամբ նախաձեռնվել է քրեական վարույթ: Այս մասին Factor.am-ին հայտնեց Քննչական կոմիտեի մամուլի քարտուղար Կիմա Ավդալյանը:
Վարույթը նախաձեռնվել է Քրեական օրենսգրքի 247-րդ հոդվածի 1-ին մասի հատկանիշներով, այն է՝ երեխայի դաստիարակության կամ խնամքի պարտականությունը չկատարելը կամ ոչ պատշաճ կատարելը:
Նախաձեռնված վարույթի հատկանիշների համաձայն՝ ծնողի, այլ օրինական ներկայացուցչի կամ այլ անձի կողմից, որի վրա երեխայի դաստիարակության կամ խնամքի պարտականություն է դրված, այդ պարտականությունը չկատարելը կամ ոչ պատշաճ կատարելը, որը հանգեցրել է երեխայի առողջության վատթարացման՝ պատժվում է տուգանքով` առավելագույնը տասնապատիկի չափով, կամ որոշակի պաշտոններ զբաղեցնելու կամ որոշակի գործունեությամբ զբաղվելու իրավունքից զրկելով` առավելագույնը երեք տարի ժամկետով, կամ ազատության սահմանափակմամբ` առավելագույնը մեկ տարի ժամկետով, կամ կարճաժամկետ ազատազրկմամբ` առավելագույնը երկու ամիս ժամկետով, կամ ազատազրկմամբ՝ առավելագույնը մեկ տարի ժամկետով:
Ավելի վաղը Factor.am-ը գրել էր, որ Կոտայքի մարզի Ջրվեժի միջնակարգ դպրոցում աշակերտ է ընկել դպրոցի երրորդ հարկից։ Աշակերտի առողջական վիճակը այս պահին կայուն է:
Անի Թամրազյան
