08.09.2026 | 20:02
Անդրանիկ Թևանյանի խափանման միջոցը երկարացվել է 3, Արեգնազ Մանուկյանինը՝ 1 ամսով
«Եղանակը կեղտոտ ա, ավտոբուսներն ահագին կեղտոտվել էին»․ ինչո՞ւ էին քաղաքացիներն առավոտյան կանգառներում մնացել
Հասարակություն
06.03.2025 | 15:06
Այսօր առավոտյան Երևանի ավտոբուսները սովորականից ուշ են հասել կանգառներ։ Երևանի ավագանու «Մայր Հայաստան» խմբակցության անդամ Գևորգ Ստեփանյանը գրել է, որ այդ մասին քաղաքացիներից ահազանգեր ու բողոքներ են ստացել։
«Դուք մնացել եք կանգառներում այս պահին նրա համար, որ «Երևան ավտոբուս» ՓԲԸ-ի Ջրվեժ կայանում խցանում է։ Ավտոբուսները կեղտի մեջ «կորում են» ու լվացման կետում աշխատող չկա, ստիպված վարորդներն են լվանում։ Էս ա ձեր «բարեփոխումը», արդեն 47 րոպե 29 համարի ավտոբուս չկա»,- գրել է ավագանու ընդդիմադիր անդամը։
«Երևան ավտոբուս» ՓԲԸ-ի խոսնակ Գեղամ Ասատրյանը Factor.am-ի հարցին ի պատասխան՝ վստահեցրեց, որ արտառոց որևէ խնդիր չկա։
«Ինչ-որ արտառոց խնդիր չունենք։ Բայց քանի որ եղանակը մի քիչ շատ կեղտոտ ա, մեքենաները փորձում ենք հնարավորության սահմանում լավ մաքուր դուրս բերել գիծ։ Երեկ ահագին կեղտոտվել էին»,- ասաց խոսնակը։
Դիտարկմանը, որ երեկ եղանակային պայմանները բարենպաստ էին, տեղումներ չկային, Ասատրյանն արձագանքեց․ «Շատ կեղտոտվի, թե քիչ՝ լվանում են։ Հիմա իմ գնահատականն է, որ երեկ մի քիչ շատ են կեղտոտվել»։
Արփի Հակոբյան
