08.09.2026 | 20:02
Անդրանիկ Թևանյանի խափանման միջոցը երկարացվել է 3, Արեգնազ Մանուկյանինը՝ 1 ամսով
Ռուսաստանը չի հանդուրժի ՆԱՏՕ-ի երկրների զորակազմի ներկայությունն Ուկրաինայում․ Լավրով
Քաղաքականություն
06.03.2025 | 14:53
Ռուսաստանն առանց մասնակցության չի հետևի, թե ինչպես են ՆԱՏՕ-ի զորքերը խաղաղապահների քողի տակ հայտնվում Ուկրաինայում, և չի հանդուրժի նման գործողություններն Արևմուտքի կողմից։ Այս մասին մամուլի ասուլիսի ժամանակ հայտարարել է ՌԴ ԱԳ նախարար Սերգեյ Լավրովը, փոխանցում է ՏԱՍՍ-ը։
«Մենք կտրականապես չենք դիտարկելու նման գործողությունները։ Դա արդեն կնշանակի ՌԴ-ի դեմ ոչ թե հիբրիդային, այլ ուղղակի, պաշտոնական, անթաքույց ներգրավվածություն ՆԱՏՕ-ի երկրների կողմից։ Դա անհնար է թույլ տալ»,- ասել է նա։
Լավրովը նշել է, թե Ռուսաստանը փոխզիջումների տեղ չի տեսնում Ուկրաինայում եվրոպական ռազմական զորակազմեր տեղակայելու հարցում։
«Փոխզիջման տեղ մենք չենք տեսնում։ Այս քննարկումն ընթանում է բացահայտ թշնամական նպատակներով, և նրանք չեն թաքցնում, թե ինչի համար է դա իրենց պետք»,- ասել է ՌԴ ԱԳ նախարարը՝ պատասխանելով Ուկրաինա ԵՄ խաղաղապահներ ուղարկելու վերաբերյալ Մոսկվայի դիրքորոշման մասին հարցին։
Թարգմանությունը՝ Էմմա Չոբանյանի
