08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Ռուսական հարվածներ Կրիվոյ Ռոգին․ 4 զոհ, ավելի քան 30 վիրավոր կա
Քաղաքականություն
06.03.2025 | 16:25
Ռուսական զորքերը մարտի լույս 6-ի գիշերը ռուսական զորքերը հրթիռային հարված են հասցրել Կրիվոյ Ռոգին։ Այս մասին հայտնել է Դնեպրոպետրովսկի շրջանային պետական վարչակազմի ղեկավար Սերգեյ Լիսակը։
Չորս մարդ զոհվել է, ավելի քան 30-ը՝ վիրավորվել, գրում է Current time-ը։
Լիսակը հայտնել է, որ հրթիռակոծության ժամանակ վիրավորված 43-ամյա տղամարդը մահացել է հիվանդանոցում։ Ավելի վաղ նա գրել էր ևս երեք մահացածների մասին՝ երկու տղամարդ և մեկ կին։
Ուկրաինայի նախագահի գրասենյակի ղեկավար Անդրեյ Երմակն էլ հայտնել է, որ հրթիռային հարվածը հասցվել է հյուրանոցին։
Ուկրաինայի նախագահ Վլադիմիր Զելենսկին իր հերթին հայտնել է, որ բալիստիկ հրթիռի հարվածից առաջ հյուրանոց հումանիտար կազմակերպության կամավորներ են ժամանել։
«Բառացիորեն մինչ հարվածը հյուրանոցում տեղավորվել են մարդասիրական կազմակերպություններից մեկի կամավորները՝ Ուկրաինայի, ԱՄՆ-ի և Մեծ Բրիտանիայի քաղաքացիներ: Նրանք ողջ են մնացել, կարողացել են դուրս գալ իրենց սենյակներից»,- նշել է Զելենսկին։
Տեղի իշխանությունները հայտնում են, որ հրթիռի հարվածից, բացի հյուրանոցից, տուժել են 14 բազմաբնակարան շենքեր, փոստի գրասենյակ, գրեթե երկու տասնյակ ավտոմեքենա, մշակութային հաստատություն և 12 խանութ։
Թարգմանությունը՝ Էմմա Չոբանյանի
