17.07.2026 | 20:09
Խմարան և Սիբիհան՝ Ուկրաինայի պաշտպանության և արտաքին գործերի նախարարների պաշտոնակատար
Մարկո Ռուբիոն Ուկրաինա ռուսական լայնամասշտաբ ներխուժումն անվանել է «պրոքսի պատերազմ» ԱՄՆ-ի և ՌԴ-ի միջև
Քաղաքականություն
06.03.2025 | 15:19
ԱՄՆ պետքարտուղար Մարկո Ռուբիոն Fox News-ին ասել է, որ Դոնալդ Թրամփն Ուկրաինայում պատերազմը դիտարկում է որպես «ձգձգվող, փակուղային հակամարտություն», գրում է BBC-ի ռուսական ծառայությունը։
Ռուբիոն նաև Ռուսաստանի ներխուժումն Ուկրաինա անվանել է «միջուկային տերությունների՝ ԱՄՆ-ի, որն օգնում է Ուկրաինային, և Ռուսաստանի միջև պրոքսի պատերազմ»:
«Ոչ ոք գաղափար, պլան չունի՝ ինչպես այս ամենին վերջ դնել»,- հայտարարել է նա։
Ըստ աղբյուրի՝ պարզ չէ՝ արդյո՞ք այս արտահայտությունը վերաբերում է նաև ԱՄՆ-ին։ Նախընտրական քարոզարշավի ժամանակ Դոնալդ Թրամփը խոստացել էր, որ ընտրվելու դեպքում ռուս-ուկրաինական պատերազմը կարող է ավարտվել 24 ժամվա ընթացքում, և որ դա տեղի կունենա նույնիսկ իր պաշտոնավարումից առաջ։ Պատերազմին վերջ տալու՝ Թրամփի ծրագիրն այդպես էլ չի ներկայացվել։
Հարցազրույցում Ռուբիոն նաև ասել է, որ «այն ամենը, ինչ փորձում է անել նախագահը, հասկանալն է՝ կա՞, արդյոք, խաղաղության ճանապարհ»։
«Ուկրաինացիների ու Կապիտոլիումի բլրի վրա նրանց դաշնակիցների պլանները, ինչպես այն մարդկանց, որոնց հետո խոսում եք այլ երկրներում, կայանում է նրանում, որ պարզապես շարունակել տալ նրանց այնքան, որքան անհրաժեշտ է, որքան կպահանջվի (հավանաբար՝ նկատի ունի ռազմական և ֆինանսական օգնությունը): Սա ռազմավարություն չէ»,- ասել է ԱՄՆ պետքարտուղարը։
Թարգմանությունը՝ Էմմա Չոբանյանի
