13.03.2026 | 11:56
Ալի Խամենեիի կինը ողջ է. հաղորդվել էր ամուսնու հետ նրա մահվան մասին. Fars
Ուկրաինայի և ԱՄՆ-ի ներկայացուցիչներն առաջիկայում հանդիպելու են․ Երմակ
Քաղաքականություն
06.03.2025 | 12:07
Ուկրաինայի նախագահ Վլադիմիր Զելենսկիի գրասենյակի ղեկավար Անդրեյ Երմակը հայտնել է, որ Կիևի և Վաշինգտոնի ներկայացուցիչները պայմանավորվել են հանդիպել «առաջիկայում»։ Այս մասին նա գրել է իր տելեգրամի ալիքում՝ հայտնելով, որ հեռախոսազրույց է ունեցել ԱՄՆ նախագահի Ազգային անվտանգության հարցերով խորհրդական Մայքլ Ուոլցի հետ։
«Մենք քննարկել ենք արդար և կայուն խաղաղությանն ուղղված հետագա քայլերը։ Մտքեր են փոխանակվել նաև Ուկրաինայի և ԱՄՆ-ի երկկողմ հարաբերությունների շրջանակում անվտանգության և դիրքորոշումների համակարգման վերաբերյալ։ Պայմանավորվել ենք առաջիկայում մեր թիմերի հանդիպման մասին՝ այդ կարևոր աշխատանքը շարունակելու համար»,- գրել է Երմակը։
Հիշեցնենք, որ ավելի վաղ ԱՄՆ դադարեցրել էր Ուկրաինային ռազմական օգնության, ինչպես նաև հետախուզական տվյալների տրամադրումը։
Թարգմանությունը՝ Էմմա Չոբանյանի
