25.05.2026 | 16:00
Տղամարդավարի ներողություն խնդրիր Օսիպյանից. Տիգրան Պետրոսյանը դիմեց Փաշինյանին․ ՏԵՍԱՆՅՈՒԹ
Թրամփը սպառնացել է ոչնչացնել ՀԱՄԱՍ-ին և Գազայի ժողովրդին, եթե իսրայելցի պատանդներին անմիջապես ազատ չարձակեն
Քաղաքականություն
06.03.2025 | 14:06
ԱՄՆ նախագահ Դոնալդ Թրամփը սպառնացել է ոչնչացնել պաղեստինյան ՀԱՄԱՍ խմբավորումը, եթե այն անհապաղ չվերադարձնի ողջ իսրայելցի պատանդներին և չհանձնի մահացածների մարմինները։ Այս մասին նա գրառում է արել Truth Social-ում։
«Դուք կարող եք ընտրել՝ ազատ արձակել բոլոր պատանդներին հիմա և անմիջապես վերադարձնել բոլոր մահացածների մարմինները, որոնց սպանել ենք, կամ ամեն ինչ կավարտվի ձեզ համար։ Միայն հիվանդ ու այլասերված մարդիկ են պահում մարմիններ, և դուք հիվանդ ու այլասերված եք։ Ես ուղարկում եմ Իսրայելին ամենը, ինչ պետք է՝ գործն ավարտելու համար, ՀԱՄԱՍ-ի որևէ անդամ ապահով չի լինելու, եթե չանեք այն, ինչ ես ասում եմ։ Ես հենց նոր հանդիպել եմ ձեր նախկին պատանդներին, որոնց կյանքը կործանել ենք։ Սա ձեր վերջին նախազգուշացումն է»,- գրել է Թրամփը՝ նշելով, որ ՀԱՄԱՍ-ի ղեկավարության համար հիմա ժամանակն է լքել Գազան, երբ դեռ ունեն հնարավորությունը։
ԱՄՆ նախագահը դիմել է նաև Գազայի ժողովրդին։
«Նաև Գազայի ժողովրդին․ սպասվում է գեղեցիկ ապագա, սակայն՝ ո՛չ, եթե դուք պահեք պատադներին։ Եթե դա անեք, մեռած եք։ Իմաստուն որոշում կայացրեք։ Հենց հիմա ազատ արձակեք պատանդներին, այլապես դժոխքով կվճարեք»,- գրել է Թրամփը։
Սպիտակ տունն ավելի վաղ հաստատել էր, որ բանակցում է ՀԱՄԱՍ-ի հետ իսրայելցի պատանդների հարցով, թեև Վաշինգտոնը դեռևս անմիջական կապ չի ունեցել զինյալների հետ։ Սպիտակ տան մամուլի քարտուղար Քերոլայն Լևիթն ասել է, որ Իսրայելի հետ խորհրդակցություններ են տեղի ունեցել մինչ բանակցությունների մեկնարկը։
Թարգմանությունը՝ Էմմա Չոբանյանի
