05.09.2026 | 22:55
«Ինտերը» 0:2-ից հետո կամային հաղթանակ է տարել «Նապոլիի» նկատմամբ. ՏԵՍԱՆՅՈՒԹ
Գնում ենք վերապահովագրող նոր գործընկեր ունենալու ճանապարհով, գյուղացիներին մենակ չենք թողնելու․ Պապոյան․ ՏԵՍԱՆՅՈՒԹ
Տնտեսություն
05.03.2025 | 18:32
Մենք մեր գյուղացիներին միայնակ չենք թողնելու, հիմա շրջանառվում է մի նախագիծ, որով վերապահովագրության և ապահովագրության ֆունկցիան Կառավարությունն իր վրա է վերցնում։ Այս մասին Ազգային ժողով-Կառավարություն հարցուպատասխանի ժամանակ ասաց ՀՀ էկոնոմիկայի նախարար Գևորգ Պապոյանը՝ պատասխանելով գյուղատնտեսության ապահովագրության վերաբերյալ հարցին։
«Մենք գնում ենք այն ճանապարհով, որ 2026 թվականին վերապահովագրող նոր գործընկեր կունենանք: Մի քանիսի հետ հիմա ակտիվ խոսակցության մեջ ենք, և 2026 թվականի համար շատ ավելի պատրաստ և շուկայական կանոններին համապատասխան լուծում կունենանք: Բայց այս տարվա համար ունենք նախագիծ, որով ապահովագրավճարի 70-80 տոկոսը Կառավարությունը կփոխհատուցի, կվճարի մեր քաղաքացիների համար, ինչպես նաև, եթե ապահովագրական ընկերությունների վնասը 200 տոկոսը գերազանցի այդ վնասը գերազանցող չափի մասով, ապա Կառավարությունն այդ վնասները նույնպես կփոխհատուցի»,- ասաց նախարարը։
Մանրամասները՝ տեսանյութում։
