19.02.2026 | 18:17
«Օրենքը պետք է հաղթանակի». Բրիտանիայի Չարլզ III թագավորը` եղբոր ձերբակալության մասին
ԱՄՆ-ը դադարեցնում է Ուկրաինայի հետ հետախուզական տեղեկատվության փոխանակումը. FT
Քաղաքականություն
05.03.2025 | 17:52
ԱՄՆ դադարեցրել է Ուկրաինայի հետ հետախուզական տվյալների փոխանակումը, ինչը կարող է լրջորեն խոչընդոտել Ուկրաինայի Զինված ուժերի՝ ռուսական թիրախներին հարվածելու կարողությանը։ Այս մասին գրում է Financial Times-ը՝ վկայակոչելով խնդրին ծանոթ ամերիկացի պաշտոնյաներին, փոխանցում է Current time-ը։
Աղբյուրների փոխանցմամբ՝ ամերիկյան իշխանությունները նման որոշում են կայացրել այն բանից հետո, երբ նախագահ Դոնալդ Թրամփը հրահանգել է կասեցնել Կիևին ռազմական օգնությունը։
Միևնույն ժամանակ, ըստ աղբյուրներից մեկի, Վաշինգտոնը կշարունակի Ռուսաստանի և Ուկրաինայի վերաբերյալ հետախուզական տվյալների փոխանակումն իր ամենամոտ դաշնակիցների, այդ թվում՝ Մեծ Բրիտանիայի հետ։
Բրիտանական Daily Mail-ն իր հերթին ավելի վաղ հայտնել էր, որ ԱՄՆ-ն արգելել է Լոնդոնին կիսել ամերիկյան հետախուզական տեղեկությունները Կիևի հետ։
Վաշինգտոնը դադարեցրել է Կիևին տրամադրվող օգնությունը Թրամփի, ԱՄՆ փոխնախագահ Ջեյ Դի Վենսի և Ուկրաինայի նախագահ Վլադիմիր Զելենսկիի միջև փետրվարի 28-ին Սպիտակ տանը տեղի ունեցած վեճից հետո:
Թարգմանությունը՝ Էմմա Չոբանյանի
