13.01.2026 | 18:44
Պորտուգալիայի հավաքականի ֆուտբոլիստը միացավ «Բարսելոնային»
Ռուսական զորքերը կրկին «Շահեդ»-ներով հարվածել են Օդեսային. զոհ կա
Քաղաքականություն
05.03.2025 | 13:53
Ռուս զինվորականները մարտի լույս 5-ի գիշերը «Շահեդ»-ներով հարվածներ են հասցրել Օդեսային և Օդեսայի մարզին։ Հաղորդվում է մեկ զոհի մասին։ Օդեսայի մի մասը մնացել է առանց էլեկտրականության, ջերմության և ջրամատակարարման, հայտնել են տեղական իշխանությունները, գրում է Current time-ը։
Շրջանային ռազմական վարչակազմի ղեկավար Օլեգ Կիպերի տեղեկացմամբ՝ Օդեսայի մարզում ռուսական անօդաչու թռչող սարքի հարվածի հետևանքով զոհվել է Լիմանկա գյուղի 77-ամյա մի բնակիչ։ Քաղաքի արվարձաններում վնասվել են մի քանի առանձնատներ, շրջկենտրոնում վնասվել են կրիտիկական ենթակառուցվածքները։
«Հակառակորդը կրկին հարվածներ է հասցրել կրիտիկական ենթակառուցվածքին։ Օդեսայի մի մասը կրկին մնացել է առանց էլեկտրականության, ջրի և ջերմության։ Բոլոր համապատասխան ծառայություններն աշխատում են»,- նշել է Օդեսայի քաղաքապետ Գենադի Տրուխանովը։
Քաղաքի տարբեր հատվածներում ուժգին պայթյուններ են լսվել, համացանցում նմանատիպ հաղորդագրություններ են տարածել Չեռնոմորսկի բնակիչները։ Ականատեսները հայտնել են նաև, որ Օդեսայում և արվարձաններում մի քանի հրդեհ է բռնկվել։
Կիպերը նաև հայտնել է, որ ռուսական բանակը բալիստիկ հրթիռային հարված է հասցրել Օդեսայի մարզի Բելգորոդ-Դնեստրովսկի շրջանին։ Առողջարանի դատարկ շենքը գրեթե ամբողջությամբ ավերվել է։
Մարտի 4-ի երեկոյան նույնպես ռուսական զորքերն անօդաչու թռչող սարքերով հարվածել էին Օդեսային։
Թարգմանությունը՝ Էմմա Չոբանյանի
