24.06.2026 | 23:56
Հրդեհ Վարդաշեն 6-րդ փողոցի շենքերից մեկում. մեկ անձ դիմել է բուժօգնության, տարհանվել է 12 քաղաքացի
Ռուսական կործանիչը Միջերկրական ծովում վտանգավոր կերպով մոտեցել է ֆրանսիական ԱԹՍ-ին․ Ֆրանսիայի ՊՆ․ ՏԵՍԱՆՅՈՒԹ
Քաղաքականություն
05.03.2025 | 15:24
Ռուսական Սու-35 կործանիչը վտանգավոր կերպով մոտեցել է ֆրանսիական Reaper անօդաչու թռչող սարքին, որը հետախուզական առաքելություն է իրականացրել Միջերկրական ծովի արևելյան հատվածում։ Այս մասին հայտարարել է Ֆրանսիայի պաշտպանության նախարար Սեբաստիան Լըկորնյուն։
«Անօդաչու թռչող սարքի երեք անընդմեջ մերձ անցումները, որոնք կարող էին հանգեցնել անօդաչու թռչող սարքի նկատմամբ վերահսկողության կորստի, ցույց են տալիս ընդհանուր օդային տարածքներում տեղաշարժի ազատությունը սահմանափակելու մտադրության մասին»,- գրել է Լըկորնյուն X-ի իր միկրոբլոգում։
Նա նշել է, որ դա «դիտավորյալ, ոչ պրոֆեսիոնալ և ագրեսիվ գործողություն է, որն ընդունելի չէ»։ Պաշտոնյան նաև հայտարարել է, որ Ֆրանսիան կշարունակի գործել՝ ի պաշտպանություն միջազգային օդային և ծովային տարածքներում նավագնացության ազատության։
Թարգմանությունը՝ Էմմա Չոբանյանի
