13.03.2026 | 14:57
ԱՄՆ-ը զգուշացնում է իր քաղաքացիներին՝ վերանայել Ադրբեջան ուղևորության ծրագրերը
Ասա Թրամփին՝ ես սպասում եմ նրան այստեղ՝ Պուտինի և Զելենսկու հետ միասին․ Լուկաշենկոն պատրաստ է Մինսկում բանակցություններ կազմակերպել
Քաղաքականություն
05.03.2025 | 12:46
Բելառուսի ինքնահռչակ նախագահ Ալեքսանդր Լուկաշենկոն հայտարարել է, որ Մինսկը պատրաստ է բանակցություններ կազմակերպել Դոնալդ Թրամփի, Վլադիմիր Պուտինի և Վլադիմիր Զելենսկու միջև։ Այս մասին նա ասել է Իլոն Մասկի X սոցիալական ցանցի հայտնի բլոգեր Մարիո Նաուֆալին տված հարցազրույցում, հայտնում է eurointegration.com.ua-ն։
«Եթե ուզում եք, եկեք: Ահա, մոտակայքում՝ Բելառուսի սահմանից մինչև Կիև 500 կիլոմետր: Կես ժամ է ինքնաթիռով: Եկեք, վայրէջք կկատարենք այստեղ: Մենք համաձայնության կգանք հանգիստ, առանց աղմուկի», – ասել է Լուկաշենկոն:
Նա ասել է, որ բանակցություններին հրավիրում է ԱՄՆ-ի, Ուկրաինայի և Ռուսաստանի առաջնորդներին։
«Ուրեմն ասա Թրամփին. ես սպասում եմ նրան այստեղ Պուտինի և Զելենսկու հետ միասին։ Եկեք նստենք և հանգիստ համաձայնության գանք։ Եթե ուզում եք համաձայնության գալ», – ասել է Լուկաշենկոն։
