24.06.2026 | 23:56
Հրդեհ Վարդաշեն 6-րդ փողոցի շենքերից մեկում. մեկ անձ դիմել է բուժօգնության, տարհանվել է 12 քաղաքացի
ԱՄՆ-ի և Ուկրաինայի միջև հանածոների պայմանագիրը դեռևս պատրաստ չէ ստորագրման․ Թրամփը ձգտում է «ավելի մեծ, ավելի լավ գործարքի»․ CBS
Քաղաքականություն
05.03.2025 | 14:34
Ուկրաինացի պաշտոնյաներն իրենց ամերիկացի գործընկերներին հայտնել են, որ պատրաստ են ստորագրել օգտակար հանածոների մասին համաձայնագիրը Սպիտակ տանը դրա ստորագրման սկզբնական պլանից մի քանի օր անց, երբ այն տապալվեց Ուկրաինայի նախագահ Վլադիմիր Զելենսկի, ԱՄՆ նախագահ Թրամփի և փոխնախագահ Ջեյ Դի Վենսի միջև բանավեճի պատճառով, գրում է CBS News-ը:
ԱՄՆ ֆինանսների նախարար Սքոթ Բեսենթին, որը եղել է այդ հարցով բանակցողներից մեկը, զրուցել է Զելենսկիի հետ օգտակար հանածոների մասին համաձայնագրի շուրջ, CBS News-ի «Face the Nation»-ի մոդերատոր Մարգարեթ Բրենանը հարցրել է՝ արդյո՞ք տնտեսական գործարքը դեռ սեղանի վրա է:
«Ներկայում ոչ»,- արձագանքել է նա։
Լրատվամիջոցին բազմաթիվ աղբյուրներ ասել եբ, որ գործարքը վերջնականացված չէ։ Համաձայնագրի չափանիշները կարող են փոխվել, քանի որ նախագահ Դոնլադ Թրամփն այժմ ձգտում է «ավելի մեծ, ավելի լավ գործարքի»։ Այս մասին հայտարարել է բանակցություններին ծանոթ աղբյուրը՝ անանունության պայմանով։
Հիշեցնենք, որ Կոնգրեսում ունեցած ելույթում ԱՄՆ նախագահ Դոնալդ Թրամփը հայտարարել էր, որ Ուկրաինայի նախագահ Վլադիմիր Զելենսկիից նամակ է ստացել, որում վերջինը հայտնել է խաղաղ բանակցությունների անցկացման և ԱՄՆ-ի հետ հանածոների մասին համաձայնագիրը ստորագրելու պատրաստակամության մասին։
Թարգմանությունը՝ Էմմա Չոբանյանի
