20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
Կա՛մ ԵԱՏՄ, կա՛մ ԵՄ. Հայաստանը պետք է ընտրություն կատարի. Կոպիրկին
Քաղաքականություն
05.03.2025 | 12:37
Հայաստանը չի կարող միաժամանակ լինել Եվրասիական տնտեսական միության (ԵԱՏՄ) և Եվրամիության անդամ, երկիրը պետք է ընտրություն կատարի։ Այս մասին 24News-ի եթերում նշել է ՌԴ դեսպան Սերգեյ Կոպիրկինը։
«Ի սկզբանե ռուսական կողմը հստակ նշեց դիրքորոշումը՝ կամ ԵՄ, կամ ԵԱՏՄ, երկուսում հնարավոր չէ լինել: Եվ դա ռուսական կողմի դիրքորոշումը չէ, այլ օբյեկտիվ իրականության հարց, քանի որ պետությունը չի կարող միաժամանակ երկու մաքսային միության անդամ լինել»,- նշել է նա և հիշեցրել ՌԴ փոխվարչապետ Ալեքսեյ Օվերչուկի խոսքերը, որ «ԵՄ անդամակցությունով Հայաստանն իրեն կգնի «Տիտանիկի» տոմս»։
ՌԴ դիվանագիտական առաքելության ղեկավարի խոսքով՝ «կա իրողություն՝ Հայաստանի համագործակցությունը ԵԱՏՄ-ի և Ռուսաստանի Դաշնության հետ երկրի տնտեսական զարգացման առանցքային գործոններից է, ինչի մասին վկայում է վիճակագրությունը»։ «Ինչ կլինի ԵՄ-ում, դա ապագայի հարց է, առայժմ Հայաստանի և ԵՄ-ի միջև ապրանքաշրջանառության դինամիկան բացասական է»,- ասաց նա և ընդգծեց, որ այդ ընտրությունը Հայաստանի Հանրապետության ինքնիշխան իրավունքն է։
