24.06.2026 | 21:44
Հայաստանի մի շարք հասցեներում էլեկտրաէներգիայի անջատումներ կլինեն
ԵՄ-ն դադարեցնում է Ուկրաինային 20 մլրդ եվրոյի ռազմական օգնության նոր փաթեթի մշակումը․ Հունգարիան վետո է դրել․ Politico
Քաղաքականություն
04.03.2025 | 17:50
Եվրամիությունը դադարեցնում է Ուկրաինային 20 միլիարդ եվրոյի ռազմական օգնության նոր փաթեթի մշակման աշխատանքը՝ Հունգարիայի առարկությունների պատճառով։ Այս մասին հայտնում է Politico-ն՝ վկայակոչելով ԵՄ խորհրդի փաստաթղթի նախագիծը։
Փաթեթը պետք է ներառեր, մասնավորապես, հրետանային արկերի, հակաօդային պաշտպանության համակարգերի, հրթիռների մատակարարում Կիևին։
Եվրահանձնաժողովի նախագահ Ուրսուլա ֆոն դեր Լեյենն այսօր ներկայացրել է «Եվրոպայի վերազինման» ծրագիրը, որը նախատեսում է առաջիկա տարիներին 800 միլիարդ լրացուցիչ ծախսեր հատկացնել եվրոպական երկրների պաշտպանությանը։
Politico-ն պարզել է, որ ֆոն դեր Լեյենի ծրագրում պետք է ներառվեր կետ 20 միլիարդ եվրո արժողությամբ զենքի նոր մատակարարումների վերաբերյալ, սակայն Բուդապեշտը կտրականապես դեմ է եղել դրան։
Հունգարիան վետո է դրել այդ կետի վրա ԵՄ դեսպանների հանդիպման ժամանակ, որտեղ քննարկվել է ծրագիրը: Դա տեղի է ունեցել Սպիտակ տանը Ուկրաինայի նախագահ Վլադիմիր Զելենսկիի և ԱՄՆ նախագահ Դոնալդ Թրամփի ու փոխնախագահ Ջեյ Դի Վենսի վիճաբանությունից հետո։
Թարգմանությունը՝ Էմմա Չոբանյանի
