08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Հույս ունենք, որ ԱՄՆ-ն կաջակցի խաղաղության ճանապարհին. Զելենսկի
Քաղաքականություն
03.03.2025 | 23:42
Ուկրաինան շարունակում է համագործակցությունը բոլոր գործընկերների հետ և հույս ունի, որ ԱՄՆ-ն կաջակցի խաղաղության հասնելու հարցում։ Այս մասին X սոցիալական ցանցում գրել է նախագահ Վոլոդիմիր Զելենսկին։
«Մենք աշխատում ենք Ամերիկայի և մեր եվրոպացի գործընկերների հետ և հույս ունենք, որ ԱՄՆ-ն կաջակցի խաղաղության ճանապարհին։ Խաղաղությունը պետք է որքան հնարավոր է շուտ»,- գրել է Զելենսկին։
Ուկրաինան արդեն բանակցություններ է վարել գործընկերների հետ և պլանավորում է այլ քայլեր, որոնք կձեռնարկվեն մոտ ժամանակներս, հավելել է նա:
«Մենք իրական խաղաղության կարիք ունենք, և ուկրաինացիներն այն ամենաշատն են ցանկանում, քանի որ պատերազմը ոչնչացնում է մեր քաղաքներն ու ավանները։ Մենք կորցնում ենք մեր ժողովրդին: Մենք պետք է կանգնեցնենք պատերազմը և երաշխավորենք անվտանգությունը»,- ընդգծել է Զելենսկին։
Հիշեցնենք, որ Սպիտակ տանը թեժ բանավեճ էր ծավալվել Վլադիմիր Զելենսկիի, ԱՄՆ նախագահ Դոնալդ Թրամփի և փոխնախագահ Ջեյ Դի Վենսի միջև։
Ուկրաինայի նախագահ Վլադիմիր Զելենսկին ԱՄՆ նախագահ Դոնալդ Թրամփի և փոխնախագահ Ջեյ Դի Վենսի հետ վեճից հետո շնորհակալություն էր հայտնել ԱՄՆ-ին և հայտարարել, որ Ուկրաինային պետք է արդար և տևական խաղաղություն:
ԱՄՆ նախագահ Դոնալդ Թրամփը իր Truth Social սոցցանցում հայտարարություն էր հրապարակել, որը կարելի է հասկանալ որպես բանակցությունների խափանման մասին հայտարարություն։
