23.04.2026 | 16:19
Մեծ ակնկալիքներ ունենք աշխարհի գավաթից․ Հայաստանի Կիոկուշին կարատեի ֆեդերացիայի նախագահ
Սա ամենավատ հայտարարությունն է, որը կարող էր անել Զելենսկին. Թրամփ
Քաղաքականություն
03.03.2025 | 23:08
Սա ամենավատ հայտարարությունն է, որը կարող էր անել Զելենսկին։ Այս մասին ասել է Թրամփը՝ մեկնաբանելով Ուկրաինայի առաջնորդ Վոլոդիմիր Զելենսկիի խոսքերը, որ Ռուսաստանի հետ պատերազմի ավարտը «շատ, շատ հեռու է»;
Իր Truth Social սոցիալական ցանցում ԱՄՆ նախագահը մեկնաբանել է Associated Press-ի գրառումը, որում մեջբերվում էր Զելենսկու հայտարարությունն այն մասին, որ Կիևը ամուր գործընկերային հարաբերություններ ունի Վաշինգտոնի հետ, և ռազմական օգնության մատակարարումները չեն դադարի: Ուկրաինայի նախագահն ասել էր, որ Ռուսաստանի հետ ռազմական գործողությունների դադարեցման մասին համաձայնագիրը «շատ, շատ հեռու է» ։
«Սա ամենավատ հայտարարությունն է, որը կարող էր անել Զելենսկին, և Ամերիկան երկար չի հանդուրժի դա։ Այս տղան չի ցանկանում խաղաղության գալ, քանի դեռ նա ունի Ամերիկայի աջակցությունը, և Եվրոպան Զելենսկու հետ հանդիպման ժամանակ ուղղակիորեն հայտարարեց, որ չի կարողանա կատարել այս առաջադրանքը առանց ԱՄՆ-ի»,- գրել է Թրամփը:
Հիշեցնենք, որ Սպիտակ տանը թեժ բանավեճ էր ծավալվել Վլադիմիր Զելենսկիի, ԱՄՆ նախագահ Դոնալդ Թրամփի և փոխնախագահ Ջեյ Դի Վենսի միջև։
Ուկրաինայի նախագահ Վլադիմիր Զելենսկին ԱՄՆ նախագահ Դոնալդ Թրամփի և փոխնախագահ Ջեյ Դի Վենսի հետ վեճից հետո շնորհակալություն էր հայտնել ԱՄՆ-ին և հայտարարել, որ Ուկրաինային պետք է արդար և տևական խաղաղություն:
ԱՄՆ նախագահ Դոնալդ Թրամփը իր Truth Social սոցցանցում հայտարարություն էր հրապարակել, որը կարելի է հասկանալ որպես բանակցությունների խափանման մասին հայտարարություն։
