07.09.2026 | 17:24
Ուիթքոֆի և Քուշների մասնակցությամբ բանակցությունները՝ «քայլ դեպի խաղաղություն»․ Կրեմլ
Լրագրողական համայնքը չպետք է կուլ տա թիրախավորումը և հակազդի․ Արևիկ Սահակյան․ ՏԵՍԱՆՅՈՒԹ
Հասարակություն
03.03.2025 | 15:44
Տարբեր պաշտոնյաներ տարիներ շարունակ թիրախավորում են, վիրավորում լրագրողներին և լրագրողական համայնքը դա կուլ է տալիս։ Այս մասին այսօր Մեդիա կենտրոնում «Լրատվամիջոցների թիրախավորման վտանգները. «Ազատություն» ռադիոկայանի դեպքը» թեմայով քննարկման ժամանակ ասաց Factor TV-ի գործադիր տնօրեն Արևիկ Սահակյանը։
Նրա խոսքով՝ լրատվամիջոցները պետք է հակազդեն սրան․
«Շատ հիասթափեցնող է, որ ընդհանոյւր առմամբ լրագրողական համայնքը դա կուլ է տալիս․ քանի դեռ իմ լրատվամիջոցին չի վերաբերում՝ ոչինչ։ Կարծում եմ սա պետք է վերանայի լրագրողական համայնքը։ Խոսքը մեդիա կազմակերպությունների մասին չէ, որոնք միշտ արձանագրում են այդ ամենը»,- նշեց Սահակյանը։
Հարցին՝ ինչ պետք է անեն լրագրողները, որպեսզի կանխարգելեն նման վերաբերմունքը, Արևիկ Սահակյանը պատասխանեց․
«Օրինակ՝ եթե X լրատվամիջոցի լրագրողին շատ անարդար կերպով թիրախավորում է պաշտոնյան, առաջարկում եմ միավորվել, հենց այդ պաշտոնյայի խոսքի ժամանակ բոլոր լրատվամիջոցները վեր կենան դահլիճից, իրենց միկրոֆոնները վերցնեն և դուրս գան»։
Մանրամասները՝ տեսանյութում։
