27.04.2025 | 21:41
Վիզայի ժամկետից ավել մնալու դեպքում կարող է սահմանվել մշտական մուտքի արգելք․ ԱՄՆ դեսպանատուն
Իսրայելական Հայֆայում անհայտ անձն ավտոբուսի կանգառում դանակով հարձակվել է մարդկանց վրա. զոհ և վիրավորներ կան. ՏԵՍԱՆՅՈՒԹ
Քաղաքականություն
03.03.2025 | 16:07
Իսրայելի Հայֆա քաղաքում անհայտ անձն ավտոբուսի կանգառում դանակով հարձակվել է մարդկանց վրա։ Հարձակման հետևանքով 70-ամյա մի տղամարդ է մահացել, ևս չորս մարդ վիրավորվել է, հաղորդում է The Times of Israel -ը։
Ոստիկանությունը հարձակումն ահաբեկչություն է որակում։ Նշվում է, որ հարձակվողը «վնասազերծվել է» ողբերգության վայրում։
Ծանր վիրավորվել են մի դեռահաս տղա և 30 տարեկան տղամարդ ու կին, 70-ամյա մի կնոջ վիճակն էլ միջին ծանրության է։
Ականատեսներից մեկի խոսքով՝ հարձակվողը իջել է ավտոբուսից, բղավել «Ալլահ աքբար», ապա սկսել դանակահարել մարդկանց։ Ոստիկանության տվյալներով՝ հարձակումն իրականացրել է 20-ամյա արաբ երիտասարդ Շֆարամ քաղաքից, որն ունի Իսրայելի և Գերմանիայի քաղաքացիություն։
Թարգմանությունը՝ Էմմա Չոբանյանի
