25.06.2026 | 13:21
Կովկասի հարցերով ՆԱՏՕ-ի հատուկ ներկայացուցիչը Բաքվում է
Լրատվամիջոցների թուլանալու միտում կա՝ նաև ֆինանսավորման հետ կապված․ իշխանությունը, միգուցե, փորձում է դա օգտագործել․ Բորիս Նավասարդյան․ ՏԵՍԱՆՅՈՒԹ
Հասարակություն
03.03.2025 | 15:59
Տեղի է ունենում պայքար լրատվամիջոցների նկատմամբ վերահսկողության ուղղությամբ։ Այս մասին այսօր Մեդիա կենտրոնում «Լրատվամիջոցների թիրախավորման վտանգները. «Ազատություն» ռադիոկայանի դեպքը» թեմայով քննարկման ժամանակ ասաց Երևանի մամուլի ակումբի պատվավոր նախագահ Բորիս Նավասարդյանը։
«Ինչպես շատ բաներ, որ կատարվում են մեր շուրջը, սա էլ ես կապում եմ ընտրությունների հետ, այն ընտրությունների, որ տեղի կունենան 2026թ մայիսին կամ հունիսին: Տեղի է ունենում պայքար լրատվամիջոցների նկատմամբ վերահսկողության ուղղությամբ: Իշխանություններն այդ պայքարից դուրս չեն եւ փորձում են ճնշման տարբեր մեթոդներ օգտագործել, որպեսզի քննադատական խոսքը հնարավորինս լռեցնեն, իսկ իրենց ջատագովմամբ զբաղվող լրատվամիջոցներին խրախուսեն: Դա այն միտումն է, որ ակնհայտորեն նկատվում է այսօր: Եվ դրա առաջին զոհը փաստորեն դարձել է «Ազատությունը»,- ասաց Բորիս Նավասարդյանը:
Մանրամասները՝ տեսանյութում։
