14.05.2026 | 14:40
ԲՐԻԿՍ-ի ԱԳ նախարարները հանդիպում են Հնդկաստանում՝ Իրանի հետ պատերազմի, նավթի գների աճի և ներքին տարաձայնությունների ֆոնին
Պաշտոնյաների տոքսիկ վերաբերմունքը լրագրողների հանդեպ մտահոգիչ է․ Արևիկ Սահակյան․ ՏԵՍԱՆՅՈՒԹ
Հասարակություն
03.03.2025 | 14:53
Շատ հաճախ պաշտոնյաները, քաղաքական գործիչները խուսափում են լրատվամիջոցներին բավարար տեղեկություններ տրամադրելուց։ Այսօր Մեդիա կենտրոնում «Լրատվամիջոցների թիրախավորման վտանգները. «Ազատություն» ռադիոկայանի դեպքը» թեմայով քննարկման ժամանակ ասաց Factor TV-ի գործադիր տնօրեն Արևիկ Սահակյանը։
«Չեն պատասխանում զանգերին, մերժում են հրավերները, բայց հետո շատ ծանր են տանում, երբ արդեն լրագրողը ստիպված է լինում պատրաստել տեսանյութն առանց իրենց մասնակցության։ Ավելին՝ մենք անցած շաբաթ գնումների հետ կապված քննարկում էինք հրավիրել, մի ողջ նախարարությունում, պարզվեց, ունեն ընդամենը 1 մասնագետ՝ փոխնախարարը։ Մի ամբողջ շաբաթ բանակցում էինք, որ նա մասնակցի, վերջում ասացին, որ նա խիստ զբաղված է, և ներքին կարգով էլ հասկացրին, որ նա փոխնախարար է, մյուս մասնակիցների հետ նույն հարթության մեջ չէ։ Ես ուզում եմ նշել, որ շատ լուրջ խնդիր կա ընդհանրապես տարբեր կարծիքներ մեկտեղելու և մեր լսարանին ներկայացնելու գործընթացի ապահովման հարցում»,- նշեց Սահակյանը։
Նրա խոսքով՝ մտահոգիչ է նաև տարբեր պաշտոնյաների տոքսիկ վերաբերմունքը լրագրողներին։
Մանրամասները՝ տեսանյութում։
