08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
ՖԱՖ-ի և ոստիկանների միջև տեղի ունեցած միջադեպի առնչությամբ նախաձեռնվել է քրեական վարույթ
03.03.2025 | 13:50
«Փյունիկ»–«Արարատ–Արմենիա» ֆուտբոլային հանդիպման ժամանակ բողոքի ակցիայի մասնակիցների և ոստիկանների միջև տեղի ունեցած միջադեպի հետևանքով կա 9 ձերբակալված։ Այս մասին Factor TV-ի հետ զրույցում տեղեկացրեց Քննչական կոմիտեի մամուլի քարտուղար Կիմա Ավդալյանը։
«Նախաձեռնվել է քրեական վարույթ՝ Քրեական օրենսգրքի 297-րդ հոդվածի 2-րդ մասի 1-ին կետի՝ խուլիգանության հատկանիշներով»,- նշեց խոսնակը։
Հիշեցնենք՝ փետրվարի 28-ից Հայաստանի ազգային հավաքականի և հայկական ակումբների բոլոր ֆան շարժումները վերսկսել են ՀՖՖ նախագահի հրաժարականի պահանջով ակցիաները։ Մարտի 1-ին կայացած «Փյունիկ»–«Արարատ–Արմենիա» ֆուտբոլային խաղի ընթացքում բախում տեղի ունեցավ ակցիայի մասնակիցների և ոստիկանների միջև։ Ավելի ուշ ՖԱՖ–ը հայտարարել էր, որ ոստիկանությունը բռնի ու ոչ համաչափ ուժ է կիրառել։
Ռոզա Վարդանյան
