Թրամփը կքննարկի Ուկրաինային ռազմական օգնության դադարեցման հարցը․ ԶԼՄ-ներ

ԱՄՆ նախագահ Դոնալդ Թրամփի վարչակազմի պաշտոնյան հայտարարել է, որ Սպիտակ տան ղեկավարը երկուշաբթի հանդիպելու է ազգային անվտանգության հարցերով իր բարձրաստիճան օգնականների, այդ թվում՝ պետքարտուղար Մարկո Ռուբիոյի և պաշտպանության նախարար Փիթ Հեգսեթի հետ՝ քննարկելու Ուկրաինայի հանդեպ հետագա քաղաքականության տարբերակները և, հնարավոր է, քայլեր ձեռնարկի։ Այս մասին ասվում է Լոնդոնում եվրոպացի առաջնորդների գագաթնաժողովին վերաբերող The New York Times-ի հոդվածում, գրում է BBC-ի ռուսական ծառայությունը։

ԱՄՆ պաշտոնյաներից մեկը անանունության պայմանով հայտնել է, որ տարբերակները ներառում են Ուկրաինային ամերիկյան ռազմական օգնության դադարեցում կամ չեղարկում, ներառյալ՝ Ջո Բայդենի վարչակազմի օրոք հաստատված և վճարված զինամթերքի ու տեխնիկայի վերջին մատակարարումները։

Միաժամանակ, CNN-ի աղբյուրները հայտնել են, որ ներկայում նախապատրաստվում է Ռուսաստանի և ԱՄՆ-ի միջև բանակցությունների երկրորդ փուլը։ Առաջինը տեղի էր ունեցել փետրվարին Ռիադում։

«Փորձված դիվանագիտական ​​դիտորդների համար ԱՄՆ նախագահ Դոնալդ Թրամփի՝ Օվալաձև գրասենյակում կատաղի վեճը Վլադիմիր Զելենսկիի նկատմամբ կազմակերպված քաղաքական թակարդ էր, որն արվել էր Թրամփի վարչակազմի կողմից՝ վարկաբեկելու ուկրաինացի առաջնորդին և հեռացնելու նրան որպես խոչընդոտ այն ամենի համար, ինչ հաջորդիվ կլինի»,- գրում է լրատվամիջոցը ՝հավելելով, որ «անկախ նրանից՝ դա կազմակերպված էր, թե՞ ոչ, Մոսկվան, որն ուրախությամբ արձագանքել է Սպիտակ տան վիճաբանությանը, այժմ ակնկալում է, որ առաջիկա շաբաթներին ԱՄՆ-Ռուսաստան հարաբերությունների վերականգնմանն ուղղված բանակցությունները կշարունակվեն և նույնիսկ կարագանան»:

Թարգմանությունը՝ Էմմա Չոբանյանի