08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Աբխազիայում նախագահական ընտրությունների երկրորդ փուլում հաղթել է Բադրա Գունբան
Քաղաքականություն
02.03.2025 | 14:16
Քաղաքական գործիչ Բադրա Գունբան ընտրությունների երկրորդ փուլում ստացել է ձայների 54,73 տոկոսը և դարձել Աբխազիայի նախագահ. հայտարարել է հանրապետության Կենտրոնական ընտրական հանձնաժողովի նախագահ Դմիտրի Մարշանը։
«Երեկ՝ մարտի 1-ին տեղի ունեցած կրկնակի քվեարկության նախնական արդյունքներով, ընտրություններին մասնակցել է Աբխազիայի Հանրապետության քաղաքացիների 70%-ը (100412 մարդ): Քվեարկության նախնական արդյունքներով՝ Արձինբա Ադգուրը ստացել է 41,54%: Գունբա Բադրան ընտրվել է Աբխազիայի Հանրապետության նախագահ»,- հայտնել է ԿԸՀ նախագահը կիրակի օրը կայացած ճեպազրույցում։
Աբխազիայում շաբաթ օրը կայացել է նախագահական ընտրությունների երկրորդ փուլը։ Բարձրագույն պետական պաշտոնի համար մրցակցությունը ծավալվել է հանրապետության ականավոր քաղաքական գործիչ Բադրա Գունբայի, ով հաղթել է առաջին փուլում՝ հավաքելով ձայների 46,38%-ը, և ընդդիմադիր Ադգուր Արձինբայի միջև, ով առաջին փուլում ստացել է 36,92%-ը։
