08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Ինչ-որ մեկը սպասում էր, որ ես կքննադատեմ Զելենսկիին․ դա այն չէ, ինչ հիմա պետք է երկրին․ Պորոշենկո
Քաղաքականություն
02.03.2025 | 13:34
Ընդդիմադիր «Եվրոպական համերաշխություն» կուսակցության առաջնորդ և Ուկրաինայի հինգերորդ նախագահ Պյոտր Պորոշենկոն կարծիք է հայտնել Սպիտակ տանը նախագահ Վլադիմիր Զելենսկու և ԱՄՆ առաջնորդ Դոնալդ Թրամփի միջև ծագած վեճի վերաբերյալ։ Նա նշել է, որ մտադիր չէ քննադատել Զելենսկիին այս իրավիճակի համար և հույս ունի, որ պետության ղեկավարն ունի «պլան Բ». հայտնում է News IO-ն։
«Ինչ-որ մեկը սպասում էր, որ ես կքննադատեմ Զելենսկիին, բայց ոչ, քննադատություն չի լինի, քանի որ դա այն չէ, ինչ հիմա պետք է երկրին»,- նշել է Պորոշենկոն իր հայտարարության մեջ։
Նրա խոսքով՝ ուկրաինա-ամերիկյան հարաբերությունները չեն կարող սահմանափակվել միայն Զելենսկու և Թրամփի հարաբերություններով։ «Սրանք երկու մեծ ազգերի հարաբերություններ են, որոնք գիտեն՝ ժողովրդավարությունն ու ազատությունը դատարկ խոսքեր չեն ո՛չ Ուկրաինայի, ո՛չ էլ Միացյալ Նահանգների համար։ Մենք չենք կարող մեզ թույլ տալ հակաամերիկյան տրամադրություններ տարածել»,- հավելել է նա։
Պորոշենկոն նաև հույս է հայտնել, որ նախագահ Զելենսկին ունի «պլան Բ» ԱՄՆ-ի հետ համագործակցությունը զարգացնելու համար: «Հավատում ենք, որ Լոնդոնում և Բրյուսելում կայացած հանդիպումներից հետո մենք կվերադառնանք մի քանի կարևոր ուղերձներով. Եվրոպայի հետ միություն, զենքի ձեռքբերում, ֆինանսավորում և պաշտպանական արդյունաբերության ներդրումների ուժեղացում»,– ընդգծել է նա:
