10.08.2026 | 10:03
4 խաղափուլից հետո երեք հայ շախմատիստ առաջատարների շարքում է. Եվրոպայի Մ20 առաջնություն
Պենտագոնը դադարեցրել է ռազմական կիբեր գործողությունները Ռուսաստանի դեմ
Քաղաքականություն
01.03.2025 | 12:34
ԱՄՆ պաշտպանության նախարար Փիթ Հեգսեթը հրամայել է ԱՄՆ կիբեր հրամանատարությանը դադարեցնել Ռուսաստանի դեմ պլանավորումը, ներառյալ հարձակողական կիբեր գործողությունները․ հայտնել է The Record-ը՝ հղում անելով աղբյուրներին․ գրում է DW-ի տուսական ծառայությունը։
Դեռ պարզ չէ, թե կոնկրետ երբ ուժի մեջ կմտնի Հեգսեթի հրամանը։ Հրատարակության աղբյուրների համաձայն՝ այն կսկսի գործել «տեսանելի ապագայում»։ ԱՄՆ կիբեր հրամանատարությունը ներկայումս իրականացնում է «ռիսկի գնահատում», որը Հեգսեթին կտրամադրի բոլոր սառեցված առաքելությունների և պոտենցիալ սպառնալիքների ցուցակը, որոնք դեռ բխում են Ռուսաստանից:
Ըստ The Record-ի աղբյուրների՝ արգելքը կարող է ներառել նաև Ուկրաինային օգնության հետ կապված գործողություններ։ Նախկինում Cyber Command-ը մասնագետներ էր ուղարկել Կիև՝ ուժեղացնելու Ուկրաինայի «թվային պաշտպանությունը» և ուսումնասիրելու Մոսկվայի հնարավորությունները, այդ թվում՝ հետախուզական նպատակներով։
Record-ի աղբյուրները նշել են, որ Հեգսեթի հրամանը տրվել է մոտ մեկ շաբաթ առաջ և, հետևաբար, կապ չունի Դոնալդ Թրամփի և Վլադիմիր Զելենսկու սկանդալային բանակցությունների հետ, որոնք վերաճել են վիճաբանության ուղիղ եթերում և ավարտվել Սպիտակ տնից ուկրաինական պատվիրակության վտարմամբ։
